Abbatisa – ayollar katolik monastirlarining boshqaruvchilari. Abbatlik

Tyudorlar – Angliyada hukmronlik qilgan sulola nomi. Ular 1485-1603-yillarda hukmronlik qilishgan. Sulola asoschisi Genrix VII edi. 1603-yilda ular oʻrniga styuartlar sulolasi kelgan.
Tyuringlar haqiqati – VIII asr oxiri - IX asr boshlariga oid german qibilalarining varvar haqiqatlaridan biri. Tyurinlarning ajdodlari hisoblanuvchi angllar va varnlarning odatiy huquqlari jamlangan. Ripuar haqiqatlariga asoslanadi, Sakson va Friz haqiqatlariga mazmunan yaqin turadi.
Tyushenlar (frans. tuchins–oʻrmon odamlari) – XIV asr 60-80-yillarida Markaziy va Janubiy Fransiyada boʻlib oʻtgan dehqonlar harakati. Harakat 1382-yilning bahorida boshlanib, 1384-yil yozigacha davom etgan. Qoʻzgʻalonni dehqonlar boshlashgan va ularga shaharlik hunarmandlar qoʻshilgan. Ular “Yuz yillik urush” davridan qolib ketgan ogʻir soliqlarga qarshi chiqishib, feodallarning qasrlarini egallab olishib, ularni talashgan, vayron qilishgan. Ruhoniylar va dvoryanlarni oʻzlarining dushmanlari deb e’lon qilishgan. 1384-yil T.ning asosiy kuchlari yengilgan. Ularning asir tushganlari surgun qilingan, qamoqqa olingan va jarima toʻlashga majbur qilingan.

~ U ~

Udvorniklar (slavyancha, dvor – saroy) – qirollik saroyi xizmatini bajaruvchi dehqonlar qatlami.
Uitenagemot, vitenagemot (qad.ingl. witenagemot-vitanlar – donishmandlar yigʻini) – ilk feodal Angliyasida anglo-sakson zodagonlar yigʻini. Birinchi marta qirol Ekbert (802-839) tomonidan chaqirilgan. U oliy sud instansiyasi boʻlib, qonunlarni tasdiqlagan, qirolni saylash va almashtirish huquqiga ega boʻlgan. U. oxirgi marta 1066-yilda chaqirilgan, ushbu yigʻilishda oldormen Garold qirol sifatida saylangan edi. U oxirgi anglo-sakson qiroli boʻlgan.
Ultromontane (frans.togʻlar, ya’ni Alp ortida Italiyada joylashganlar) – katolik dinida XV asrdan anchayin reaksion oqim tarafdorlari boʻlib, ular Rim papasining cheklanmagan oliy hokimiyatini oʻrnatishni, Rim papalari diniy ishlar bilan birga istalgan katolik mamlakatining dunyoviy ishlariga aralashish huquqiga ega boʻlishini talab qilib chiqqanlar. XVI asr 40-yillaridan boshlab U. asosiy himoyachilari va tarqatuvchilari iyezuitlar boʻlishdi.