Abbatisa – ayollar katolik monastirlarining boshqaruvchilari. Abbatlik

Qurolbardor – 1) Ritsarlikka oʻtkazish bosqichidagi ikkinchi pagʻona. Pajlar 14-15-yil davomida Q.lik qilgan va bu vaqtda unga qurol taqib yurish oʻrgatilgan. Undan tashqari shu muddat davomida Q. senor otlari va itlarining parvarishi bilan shugʻullangan, xojasining kiyinishiga yordam bergan, ovqat mahali xizmatlarini qilgan, urushlar davrida qurollarini yetkazib bergan va umuman olganda qaram xizmatkorlar bilan bir qatorda oʻz xojasining barcha ishlarida yordam bergan. Ayni vaqtda otda yurish, ov qilish, suzish, qilich va nayzalarda jang qilish, lochin va itlarni oʻrgatish bilan ham shugʻullangan. Tajribali ritsar-senor saroyida oʻrganish davri 18-20 yoshda yakunlangan va shundan soʻng Q. ritsarlik tabaqasiga oʻtgan; 2) Ritsarlik qurol-yarogʻlarini sotib olishga imkoniyati boʻlmagan kishilar.
Qishloq jamoasi – alohida oilalardan tashkil topgan dehqonlar jamoasi. Q. j.lari xoʻjalik, boshqaruv va boshqa funksiyalarni bajargan. Ular har bir dehqon xoʻjaligiga yer olish, undan foydalanish, huquqini berish bilan birga ularni ekspluatatsiya qilinishdan saqlagan. Bir senorga bir necha va har xil qishloqlar qaragan boʻlib, ularning senorga boʻysunishi ham turli shakllarda boʻlgan. Q. J.larining asosiy funksiyasi dehqon xoʻjaliklari oʻrtasidagi ahillikni saqlash boʻlgan.
Qonli qonunlar – Tyudorlar sulolasi hukmdorlarining pauperlarga – daydi va tilamchilarga qarshi chiqargan qonunlari. Beshavqatligi bilan shunday nomga sazovor boʻlgan.

~ R ~

Ratusha (polyak., nem. rat – kengash, hauz – uy) – oʻrta asr Yevropaning aksariyat shaharlarida markazda joylashgan shahar kengashi binosi. R. shaharning eng chiroyli va katta binosi boʻlgan. Ular shaharning bosh cherkovidan keyin shahar erkinligining ramzi hisoblangan. Uning quyi qavatida ombor yoki qurol-yarogʻ saqlanadigan joy boʻlgan. Eng yuqori qismida minora boʻlib, unda qoʻngʻiroq ilingan va zarur paytlarda bong urilgan. Shu bilan birga R.da shahar nizomi va xazinasi saqlangan. Ilk R.lar german savdo shaharlarida paydo boʻlgan. R. shahar mustaqilligi va oʻz-oʻzini boshqaruvining belgisi, hashamatliligi shaharlar qudrati sifatida namoyon boʻlgan.