A. N. Norchayev, T. B. Sadikov, M. Z. Nurfayziyeva mintaqaviy turizm

Tayanch iboralar. YUNESKO, BMT, madaniy-tarixiy obidalar, etnografiya, urf-odatlar, qadroyatlar.


Savol va topshiriqlar

1. 
   O‘zbekistonda nechta muzey bor?
   

2. 
   Davlat muzey qo‘riqxonasi qanday tashkiilot?
   

3. 
   YUNESKOning bosh ofisi qaysi shaharda joylashgan?
   

4. 
   BMT tashkilotining turizmdagi o‘rni qanaqa?
   

68
11-bob. MARKAZIY OSIYO TURIZMI IMKONIYATLARINI TADQIQ

QILISH


11.1. Markaziy Osiyo turistik mintaqalari imkoniyatlari

Mintaqadagi turizm hajmining 1/3 qismi to‘g‘ri keladigan, ichki mintaqaviy turizmga bog‘lanib qolgan AQSH va Yevropaning boshqa mamlakatlaridan keladigan turistlar soni 10 %ga oshishi evaziga jami turistlar oqimini 1 % oshirishga muvoffaq bo‘ldi.

Davlatimiz rahbari Shavkat Miromonovich Mirziyoyev o‘zining “O‘zbekiston Respublikasini yanada rivojlantirish bo‘yicha harakatlar strategiyasi to‘g‘risida»gi №PF-4947 sonli Farmonidagi 3-qismi “Iqtisodiyotni rivojlantirish va liberallashtirishning ustuvor yo‘nalishlari”da ta’kidlaganidek, “axborot-kommunikatsiya texnologiyalarini iqtisodiyotga, ijtimoiy sohaga, boshqarish tizimiga tatbiq etish kerak”¹¹.

Jumladan, joriy yilning 8 mart kuni Andijon viloyatining Izboskan tumani faollaridan iborat sayyohlar guruhi Xorazm viloyatiga tashrif buyurishdi. Sayohat dasturi 1 kundan iborat bo‘lishiga qaramasdan mehmonlar Xiva shahri “Ichan-qal’a” muzey qo‘riqxonasidagi “Paxlavon Maxmud” ziyoratgohi, “Ko‘hna Ark” majmuasi, Xiva xonlarining mashhur “Toshxovli” saroyi, “Kalta minor” minorasi, “Juma” jome masjidi, “Allaqulixon”, “Muxammad Aminxon” madrasalari bilan yaqindan tanishdilar

Yaponiyaning «ROTOBO» jurnali fevral sonida «Turizmni rivojlantirishda Markaziy Osiyo mamlakatlaridagi UNESCO madaniy merosi obyektlarining o‘rni: mintaqaning turizm markazi – O‘zbekiston misolida» nomli maqola chop etildi. Maqola muallifi Mizuki Chuman Yaponiyaning Rossiya va MDH mamlakatlari bilan savdo uyushmasi yetakchi ilmiy tadqiqotchisi sanaladi.

Ushbu maqolada so‘nggi yillarda Markaziy Osiyo davlatlarida turizmni rivojlantirish bo‘yicha tadbirlar shiddat bilan o‘tkazilayotgani hamda har bir

¹¹O’zbekiston Respublikаsi Prezidentining "O’zbekiston Respublikаsini yanаdа rivojlаntirish bo’yichа hаr аkаtlаr strаtegiyasi to’g’risidа"gi Fаrmoni. // O‘zbekistan Respublikasi Qonunlari to‘plami. 2017 й., № 6, ст. 70.

69
mamlakat o‘ziga xorijlik sayyohlarni jalb qilish bo‘yicha boshlagan tadbirlar tahlil qilinadi.

O‘zbekiston hukumati yangi saylangan prezident tashabbusi bilan, sohaga e’tibor va sayyohlar oqimini oshirish uchun viza talabini bosqichma-bosqich dunyoning rivojlangan 27 mamlakati shu jumladan, Yaponiya fuqarolari uchun bekor qilish rejasi tadqiqodchi tomonidan ijobiy baholangan.

Markaziy Osiyo davlatlari qadim davrdan Yaponiya bilan Ipak Yo‘li bo‘ylab savdo va madaniy aloqalar olib borgan va hozirga kelib ham Yaponiya aholisi ushbu mintaqadagi tarixiy shaharlar va yodgorliklar haqida yaxshi ma’lumotga egalar.

Tadqiqodchi xulosasiga ko‘ra, Markaziy Osiyoda turizm sohasida yetakchi mavqeini mustahkamlash uchun mamlakat UNESCO e’tirofidagi yodgorlik obyektlari ko‘pligi, Ipak Yo‘li brendi orqali tanilgan shaharlari jozibasi, zamonaviy transport infratuzilma imkoniyatlari beradigan ustunliklardan oqilona foydalanishi zarur. Xususan, yapon sayyohlari uchun sayohatni rasmiylashtirish jarayonini soddalashtirish, mamlakatlar o‘rtasidagi charter parvozlarni tashkil etish, sayyohlar ehtiyojidan kelib chiqib sayohat marshrutlarini tuzish Kunchiqar mamlakatdan turistlar oqimiga ijobiy ta’sir qiladi.

O‘zbekiston Respublikasi Turizmni rivojlantirish davlat qo‘mitasi va ikki mamlakat xususiy turfirmalari hamkorlikda 2017- yil mobaynida Yaponiyadan to‘g‘ridan- to‘g‘ri Samarqand shahri aeroportiga 10 charter parvozlarini amalga oshirishga kirishdi. Aprel oyining o‘zida faqat shu 3 ta reys bilan 750 nafar yapon sayyohi yurtimizga tashrif buyurdi.