A burxanov, O. Sattorqulov, G‗. Berdiyev, D. Eshpulatov mintaqaviy iqtisodiyot darslik

Mavzuga oid qisqacha xulosalar 
1. Respublika, mintaqaviy va mahalliy hokimiyat organlari o‗rtasida 
vakolatlarni yanada aniq taqsimlash davlat hokimiyatining mazkur 
bo‗g‗inlarini boshqarish mexanizmining samaradorligini oshirish, har 
birining mustaqilligini kengaytirish, muayyan vakolatlar ularni mumkin 
qadar samarali amalga oshirishga xizmat qiladi. 
2. Davlatning vakolatlarni taqsimlash muammolarini hal qilish 
borasidagi faoliyati mahalliy boshqaruvni yanada rivojlantirish, iqtisodiy 
va ijtimoiy rivojlangan kuchli demokratik davlat qurishning zarur sharti 
sifatida mahalliy boshqaruvning samaradorligi, roli va maqomini 
oshirishga yo‗naltirilgan davlat boshqaruvi sohasidagi yagona davlat 
siyosati doirasida amalga oshiriladi. 
3. Mamlakatimizdagi bugungi holat, mahalliy boshqaruvni tubdan 
isloh qilish zarurligini ko‗rsatmoqda. «O‗zbekiston Respublikasida 
ma‘muriy islohotlar kontseptsiyasi» qabul qilinishi ham bu boradagi ahvol 
nechog‗lik jiddiyligidan dalolatdir. Kontseptsiyada mahalliy boshqaruvdagi 
asosiy subyekt – ijro organlari faoliyati islohotlarni to‗liq ro‗yobga 
chiqarishga, qo‗yilgan vazifalarni amalga oshirishga to‗sqinlik qilayotgani 
e‘tirof etildi va bu boradagi kamchiliklar, ularni bartaraf etish choralari 
belgilandi.
4. Hokimliklarda hujjatlar bilan ishlashning eskirgan tizimi amalda 
bo‗lib, bugungi kun talablariga javob bermaydi. O‗rganish natijasida 
barcha hokimliklarda elektron hujjat almashinuv tizimidan foydalanish past 
darajada 
tashkil 
etilgani 
past 
darajada. 
Zamonaviy 
to‗liq 
elektronlashtirilgan axborot almashinuv tizimini joriy etishga tumanlarning 
moliyaviy imkoniyatlari etmaydi. Hujjat almashinuv tizimida qo‗l 
mehnatining ulushi katta bo‗lib, ba‘zi tuman hokimliklarida hujjatlarni ijro 
etish intizomiga rioya etilmaydi.
5. Ma‘lumki, jamiyat taraqqiyoti ko‗p jihatdan hokimiyatni to‗g‗ri 
tashkil qilishga, boshqaruvda eng samarali vositalardan foydalanishga 
bog‗liq. Bu borada mamlakatimiz rahbariyati tomonidan ijro hokimiyati 
tizimini optimallashtirish orqali uning vakolatlari, mas‘uliyati va davlat 
tizimidagi mavqeini oshirish bo‗yicha islohotlarni izchil amalga oshirishga 
ustuvor ahamiyat qaratilgan. 

---

268