A burxanov, O. Sattorqulov, G‗. Berdiyev, D. Eshpulatov mintaqaviy iqtisodiyot darslik

5. Energetika -
energiyaning har xil turlarini hosil qilish, ularni bir 
turdan ikkinchi turga o‗zgartirish, muayyan masofaga uzatish va yetkazib 
berish, ulardan barcha sohalarda foydalanishni hamda shular bilan bog‗liq 
nazariy va amaliy muammolarni hal qilishni o‗z ichiga olgan xalq xo‗jaligi, 
fan va texnika sohasi.
Insoniyat taraqqiyotida kishilarning turli energiya manbalariga bo‗lgan 
ehtiyojlari ularni tabiiy manbalar - o‗tin, ko‗mir, torf va boshqalar 
yoqilg‗ilardan, shamol, suv oqimi energiyasi (masalan, shamol va suv 
tegirmonlari) dan foydalanishga majbur qildi. Keyinchalik fan va texnika 
taraqqiyoti, fantexnika inqilobi tufayli XX-asrning 2-yarmidan boshlab 
asosan elektr energiyasiga ehtiyoj juda oshib ketdi.
6. Neft-gaz sanoati mamlakatimiz iqtisodiyotida muhim o‗rin 
egallaydi. Ushbu soha nafaqat energiya ishlab chiqaradi, balki ko‗plab 
tarmoqlar uchun zarur bo‗lgan polimerlar, organik kimyoviy moddalar 
hamda azotli mineral o‗g‗itlar ishlab chiqarishda asosiy xomashyo bazasi 
hisoblanadi. Keyingi ikki yilda sohada amalga oshirilgan islohotlar 
natijasida gaz qazib chiqarish hajmi 10 foizga ortdi, aholiga tabiiy gaz 15 
foiz va suyultirilgan gaz 1,6 barobar ko‗p yetkazib berildi.
Neftni qayta ishlash. O‗zbekistonda Buxoro neftni qayta ishlash 
zavodi, Farg‗ona neftni qayta ishlash zavodi mavjud bo‗lib, uchinchi neftni 
qayta ishlash zavodi Jizzax viloyatining Zafarobod tumanidagi 
«Chimqo‗rg‗on» qishlog‗i yaqinida barpo etiladi. 
7. Oziq-ovqat sanoati. Respublikamizning iqtisodiy taraqqiyotini 
ta‘minlashda oziq-ovqat sanoati muhim o‗rin tutadi. Oxirgi yillarda 
nodavlat sektorga tegishli oziq-ovqat korxonalari soni davlat sektoridagiga 
nisbatan tez ko‗paymoqda. Bu tendentsiya saqlanib qoladi. Xususan, 
nodavlat sektorga taalluqli oziq-ovqat korxonalari hozirgi kunda 95,1 
foizni tashkil etadi.