KUNDALIK HISOBGA OLISH
Tarbiyachi bolalarning kelib-ketishini har kuni hisobga olib boradi, shuningdek, ularning sog’liqlari to`g’risida ham shifokordan ma’lumot olib turadi. Jismoniy tarbiya mashgulotlari, harakatli o`yinlar, yakka holda mustaqil mashg’ulotlar va jismoniy tarbiya bo`yicha ishlarning boshqa shakllari jarayonida kuzatishlar o`tkazib, tarbiyachi miqdor ko`rsatkichlarini aniqlaydi va texnik ayrim elementlarni bajarishdagi nuqsonlarni yuzaga chiqaradi. Bu ma’lumotlarni jurnalga yozib borishi kerak, chunki ular harakat malakalari, jismoniy sifatlarning rivojlanish dinamikasini kuzatib borish va qo`llanilgan ta’lim metodlari samaradorligini belgilab olish imkonini beradi. Kunda hisobga olingan ma’lumotlarni tahlil qilish, bolalar bilan o`tkaziladigan mashg’ulotlarning metodikasini o`z vaqtida aniqlash, keyingi davrdagi ish rejasiga zarur o`zgartish va qo`shimchalar kiritish imkonini beradi.
Do'stlaringiz bilan baham: |