7-ma’ruza: maktabgacha ta`lim muassasalarida jismoniy tarbiya bo`yicha ishni rejalashtirish. Maqsad

YAKUNIY HISOBGA OLISH

Yil oxirida bolalar sog’lig’i, jismoniy rivojlanishi va jismoniy tayyorgarligi tekshiriladi. Olingan ma’lumotlar standart bilan taqqoslanadi. Kamchiliklar aniqlangach, ularning paydo bo`lish sabablari izlab topildi, jismoniy mashqlar bilan o’tkaziladigan mashg’ulotlarning mazmuni va metodikasini rejalashtirishni takomillashtirishga doir aniq takliflar ifodalab beriladi.

Yakuniy hisobga olish ma’lumotlarini tahlil qilish asosida jismoniy tarbiya bo’yicha bolalar bilan olib borilgan ish to`g’risida hisobot tayyorlanadi. Bu hisobotda ishning yutuqlari, kamchiliklari belgilanib, konkret takliflar kiritiladi.

Maktabga borayotgan har bir bolaga xarakteristika tuzilib, unda sog’lig’i, jismoniy rivojlanish darajasi, asosiy harakat (yugurish, sakrash, irg’itish…) lar bo`yicha jismoniy tayyorgarligining ko`rsatkichlari qayd qilinadi, shuningdek bola chang’ida harakatlana oladimi, konki, velosiped ucha oladimi, suza oladimi ham yoziladi. Bundan tashqari, bola o`z tengdoshlari bilan jismoniy mashq mashg’ulotlariga birgalikda qatnasha olish malakalarini egallab olganligi to`g’risida ko’rsatish lozimdir.

So`ngra ular birgalikda o`tkazgan harakatli o`yinlarini ham sanab berish lozim. Bu ma’lumotlar 1-sinf o`quvchilari bilan jismoniy tarbiya bo`yicha ishlarini to`g’ri rejalashtirishda maktab o`qituvchisiga yordam beradi.

TAYANCH SO`ZLAR

Rejalashtirish – mashqlar va ularni jismoniy tarbiyaga doir turli ish shakllarida, muayyan vaqt oralig’ida o`tkazish usullarini taqsimlashdir.

Hisobga olish – bu bolalarning sog’lig’i, jismoniy rivojlanishi va jismoniy tayyorgarligini aniqlashdir.