7-ma’ruza: maktabgacha ta`lim muassasalarida jismoniy tarbiya bo`yicha ishni rejalashtirish. Maqsad

HARAKATLI O’YINLARNING REJA-KONSPEKTI

Harakatli o`yinlar reja-konspekti ham xuddi jismoniy tarbiya mashg’ulotlarining reja-konspektiga o`xshab tuziladi.

Harakatli o`yinda asosan harakat malakalari mustahkamlanadi, shuning uchun vazifa quyidagicha yoziladi: «Yugurishni tarqalib ushlash bilan mustahkamlash», agar jismoniy sifatlar rivojlantirilsa: «Chaqqonlikni chamalashni rivojlantirish» deb yoziladi.

Harakatli o`yin o`tkazishning mazmuni va metodikasi quyidagicha qayd etiladi.

O`yinga kiruvchi harakatlar	Dozasi	Sur’ati	Tashkiliy-metodik ko’rsatmalar	Eslatma

Birinchi grafaga o`yinda bo`lgan barcha harakatlar yoziladi. «Dozasi» grafasiga o`yinning davomiyligi va takrorlash miqdori ko’rsatiladi. O`yinda mashqlarning dozasini belgilayotganda, yilning faslini va ob-havoni hisobga olishga to`g’ri keladi yoz va qish oylarida).

«Sur’at» grafasiga har bir mashqni bajarish sur’ati (sekin, tez) belgilanadi.

«Tashkiliy-metodik ko`rsatmalar» grafasiga bolalarni uyushtirish va o`yinning boshdan oxirigacha borishi yoziladi.

«Eslatma» grafasida o`yin davomidagi bo’lgan o`zgarishlar yoziladi va o`zgartirishlar asoslanib, o`yin o`tkazilganidan keyin eslatmada belgilab quyiladi.

Jismoniy daqiqalar, sayrlar, jismoniy mashqlar, bayramlar va boshqa o`tkaziladigan jismoniy tarbiya bo`yicha ishning boshqa shakllarining reja-konspektlari ham yuqoridagi shaklda yoziladi.

Ochiq mashg’ulotlarning reja-konspektlari katta tarbiyachi, mudira, shifokor, musiqa tomonidan qarab chiqiladi.