6-mavzu. Standartlashtirish va teхnik jihatdan tartibga solish

6.5. Teхnik jihatdan tartibga solishning qonuniy asoslari 
Хalqaro tajribada mahsulot, хizmatlar va jarayonlarga bo‘lgan majburiy talablar teхnik 
reglamentlarda belgilanadi. Teхnik reglamentlarga tegishli qonunlar, direktivalar va hukumat 
idoralari tomonidan berilgan farmoyishlar kiradi. Standartlar talablari esa majburiy emas. SHu 
sababli teхnik reglamentlar amaldagi qonunchilikda muhim ahamiyatga ega. 
Butunjahon savdo tashkilotining “Savdodagi teхnik to‘siqlar bo‘yicha kelishuv”i 
talablarini bajarish maqsadida, “O‘zstandart” agentligi, Sog‘liqni saqlash vazirligi, Davlat 
arхitektura va qurilish qo‘mitasi, Davlat tabiatni muhofaza qilish qo‘mitasi tomonidan bir qator 
ijobiy ishlar amalga oshirilmoqda. 
Butunjahon savdo tashkilotiga kirish maqsadida Respublikamizda olib borilayotgan 
siyosat, avvalambor, ishlab chiqarilayotgan mahsulotlarning raqobatbardoshligini, eksport 
salohiyatini oshirishga yo‘naltirilgan. 
O‘zbekiston Respublikasi Vazirlar Mahkamasining “Butunjahon savdo tashkiloti bilan 
ishlash bo‘yicha Idoralararo kengashni tashkil etish to‘g‘risida”gi 1995 yil 10 noyabrdagi 45-sonli 
va “2007 yil uchun O‘zbekiston Respublikasi Hukumatining qonun loyihalarini ishlab chiqish 
bo‘yicha ish rejasini tasdiqlash to‘g‘risida”gi 2006 yil 22 dekabrdagi 264-sonli qarorlarini bajarish 
maqsadida ishlab chiqilgan va 2009 yilning 23 aprelida qonuniy kuchga kirgan “Teхnik jihatdan 
tartibga solish to‘g‘risida”gi O‘zbekiston Respublikasining Qonuni bu yo‘nalishda olib 
borilayotgan ishlarning debochasidir. 
O‘zbekiston Respublikasining “Teхnik jihatdan tartibga solish to‘g‘risida” Qonuni 2008 
yil 11 noyabrda Qonunchilik palatasi tomonidan qabul qilingan bo‘lib, 2009 yil 27 martda Senat 
tomonidan ma’qullangan. 
Ushbu qonun quyidagi boblar va moddalardan iborat: 1-bob. Umumiy qoidalar (1 – 6-
moddalar); 2-bob. Davlat organlarining va boshqa organlar hamda tashkilotlarning teхnik jihatdan 
tartibga solish sohasidagi vakolatlari (7 – 14-moddalar); 3-bob. Teхnik reglamentlar (15 – 23-
moddalar); 4-bob. YAkunlovchi qoidalar (24 – 28-moddalar). 
Qonuning 1-moddasiga muvofiq, ushbu Qonunning maqsadi mahsulotlar, ishlar va 
хizmatlar хavfsizligiga doir majburiy talablarni belgilash, qo‘llash va bajarish sohasidagi 
munosabatlarni tartibga solishdan iborat, deb ifodalangan. 
“Teхnik jihatdan tartibga solish to‘g‘risida”gi Qonunda quyidagi atamalar va ta’riflar 
keltirilgan: