6-mavzu: qishloq xo’jaligi infratuzilmasining turlari va ahamiyati

Reja:

1. Moliyaviy rejaning mohiyati va asosiy bo‘limlari.

2. Korxonaning moliyaviy-iqtisodiy holatini baholash.

3. Xarajatlar va daromadlarni rejalashtirish.

5-MAVZU: MOLIYAVIY REJA

Moliyaviy reja – bu biznes-rejaning yakunlovchi bo‘limidir. Unda korxona faoliyatini moliyaviy ta’minlash hamda mavjud pul mablag’laridan joriy moliyaviy axborot va mahsulotni sotish bashoratlari asosida eng samarali foydalanish masalalari ko‘rib chiqiladi.

Aynan shu bo‘limdan investor olishi mumkin bo‘lgan foyda miqdorini, qarz beruvchi esa potensial qarz oluvchining o‘z qarzini qaytarish uchun imkoniyatlarini bilib olishi mumkin.

Moliyaviy reja biznes-rejaning boshqa bo‘limlarida keltirilgan ma’lumotlarga zid kelmasligi lozim. Sifatsiz tayyorlangan moliyaviy reja noto‘g’ri xulosa chiqarishga va korxona nufuzini pasaytirishga olib kelishi mumkin. Moliyaviy rejada moliyaviy resurslar (kapital) qachon, qayerda va nima maqsadda sarflanishi, biznesning muvaffaqiyatga erishishi uchun korxona oldida turgan maqsadlar batafsil yoritib beriladi.

Ushbu rejada ushbu biznes loyihani amalga oshirish uchun qilinadigan xarajatlar, olinadigan daromadlar va boshqa moliyaviy tushumlar ko‘rsatiladi. Sifatli tayyorlangan moliyaviy rejadan korxona zahiralarini baholash va jalb qilish, moliyaviy barqarorlikni mustahkamlash uchun foydalanish mumkin.

Moliyaviy rejaning shunga o‘xshash an’anaviy rejalardan farqi shundaki, u bozordagi vaziyatni to‘laligicha hisobga olishni majburiy qilib qo‘yiladi. Moliyaviy muhit to‘g’risidagi to‘liq axborotning mavjudligi biznesda muvaffaqiyatga erishish uchun muhim zamin tayyorlaydi.

Biroq, ayrim axborotlar yetishmayotgan, bozor to‘liq o‘rganib chiqilmagan, ishlab chiqarish masalalarining ba’zilari oxirigacha ishlab chiqilmagan bo‘lsa ham, biznes-rejaning ushbu bo‘limi baribir tuzilishi lozim. Bunda eng katta ma’no moliyaviy ko‘rsatkichlarda bo‘lib, ular korxonaning moliyaviy barqarorligini ta’minlaydi va bir vaqtning o‘zida investitsiya, tashkiliy va texnik qarorlar qabul qilishda asos bo‘lib xizmat qiladi.