6-mavzu. O‘tishning teshilishi. Teshilish turlari. Stablitronlar. Tunelli diodlar

2.33-rasm. 3I301G tipidagi tunnel diodning voltamper xarakteristikasi (tavsifi)



2.34-rasm. Ba’zi tunnel diodlarning tashqi ko‘rinishi

6. 
   Og‘dirilgan diodlar.
   

p va n sohalarda legirlovchi kirishmalar konsentratsiyasi kamayishi bilan, tunnel toki shunday qiymatga kamayadiki, diodning voltamper xarakteristikasida (tavsifida) tok maksimumi yo‘qoladi. Bu holda teskari tok yetarlicha katta bo‘lib qoladi, ya’ni u elektronlarning kuchli legirlangan r sohadan nisbatan kuchsiz legirlangan n sohaga tunnellashishi bilan aniqlanadi. Bunday diodlarda to‘g‘ri kuchlanishning kichik qiymatlarida teskari tok to‘g‘ri tokdan katta bo‘ladi. Bunday diodlarning voltamper xarakteristikasi to‘g‘ri va teskari shoxlarining joyi almashtirilgan oddiy diodlar xarakteristikalariga o‘xshash bo‘ladi. Bunday xususiyatga ega bo‘lgan diodlar og‘dirilgan diodlar deb nomlandi. Ba’zi og‘dirilgan diodlarning voltamper xarakteristikalari (tavsiflari) 2.35-rasmda keltirilgan. Oddiy diodlar bilan solishtirilganda og‘dirilgan diodlarning afzalligi shundaki, o‘tkazish yo‘nalishida potensial tushishi kichik va voltamper xarakteristikalari (tavsiflari) temperaturaga kuchsiz bog‘liq.