6-mavzu. O‘tishning teshilishi. Teshilish turlari. Stablitronlar. Tunelli diodlar

6-MAVZU. O‘TISHNING TESHILISHI. TESHILISH TURLARI. STABLITRONLAR. TUNELLI DIODLAR.

Voltamper xarakteristikasida (tavsifida) kuchlaninshning o‘tayotgan tok kattaligiga kuchsiz bog‘langan qismi mavjud bo‘lgan yarimo‘tkazgichli diodlarga stabilitronlar deyiladi (2.19-rasm). Xarakteristikaning bunday qismlari mavjud bo‘lganda, diodga qo‘yilgan kuchlanish diod orqali o‘tayotgan tokning yetarlicha katta o‘zgarishlarida ham doimiy saqlanadi. Odatda U(I) bog‘lanish kuchsiz bo‘lgan soxalar, diodga yetarlicha katta teskari kuchlanish qo‘yilgan sohalarda kuzatiladi. Bunday qismlarning paydo bo‘lishiga sabab, r-n o‘tishdagi teshilishning uchta asosiy mexanizmi mavjud. Bular ko‘chkisimon, issiqlik va tunnel teshilishlaridir. 2.19-rasmda voltamper xarakteristika (tavsif) ning teskari shoxida teshilishning mos qismlari keltirilgan. 1-qism-ko‘chki, 2-qism-issiqlik va 3-qism-tunnel teshilishga mos keladi. I₀-kichik teskari kuchlanish qiymatlarida diodning teskari toki. Bu mexanizmlarga batafsilroq to‘xtalamiz.