6-маъруза йўлларнинг уланиши ва кесишуви

Крестовина (5.39-расм) ўзак (сердечник) ва икки усовиклардан иборат бўлиб, ғилдирак ўркачининг (гребень) рельс каллакларини кесиб ўтишини таъминлайди, контррельслар эса ғилдирак жуфтларининг крестовина орқали ўтишида ғилдирак ўркачини тегишли новлар орқали ўтишини таъминлайди. Крестовина ўзаги ишчи қирралари давомининг ўзаро кесишган нуқтаси унинг математик маркази дейилади. Усовиклар орасидаги энг тор жой крестовина бўғизи дейилади. Крестовина ўзаги ишчи қирраларининг кесишув чизиқлари орасидаги бурчак крестовина бурчаги деб аталади.

5.39-расм. Крестовина чизмаси: КММ – крестовинанинг математик маркази;

1 – усовиклар; 2 – крестовина бўғзи; 3 – новлар; 4 – крестовина ўзаги

Ўтказгичнинг стрелка ва крестовинаси орасидаги бирлаштирувчи қисм тўғри йўл ва ўтказгич эгриларидан иборат бўлади. Эгри радиуси крестовина бурчагига боғлиқ бўлиб, бурчак қиймати камайган сари радиус катталашиб боради. Крестовина бурчаги кичик бўлган ўтказгичлар катта тезликдаги поездлар ҳаракатига имкон беради. Стрелкали ўтказгичлар махсус бошмоқлар, тагликлар, бурама мих ва костил-михлар ёрдамида ўтказувчи брусларга ёки темир-бетон плиталарга махкамланиб, балласт призмасига қўйилади.

Симметрик ўтказгич (5.40-расм) таркиби оддий ўтказгич каби қисмлардан ташкил топади. Аммо айрилар, крестовина ва ўтказгич эгриларининг қисқалиги йўллар уланишини сезиларли қисқартиришга имкон беради. Симметрик ўтказгичлар станцияларда асосий йўлни икки йўлга бир хил α/2 бурчак остида тармоқлантириш учун қўлланилади. Кам ҳолларда ҳар томонли носимметрик ўтказгичлар қўлланилиб, улар икки йўлни ҳар хил бурчак остида улайди.

5.40-расм. Симметрик стрелкали ўтказгич чизмаси:

1 – тўғри йўл ўқи; 2 – ён йўл ўқи


Иккиланган ўтказгич асосий йўлни уч йўналиш бўйича бир ўтказгичда улашга имкон беради. Улар мураккаб конструкцияли ва нозик бўлиб жой танқислигида камдан-кам қўлланади.