6-маьруза Қурилиш композицион полимер материаллар ва уларнинг турлари. Энергия ва ресурс тежамкор технологиялари – валцовкалаш, каландрлаш, экструзиялаш, пресс-қолиплаш, штамповкалаш ва бошқА. Хоссалари

Шимдириш усулида матолар, қоғозлар, толалар суюлтирилган пластик массага ботириб олиниб сўнг қуритилади. Шимдириш машиналари горизонтал ва вертикал типларда бўлади. Шимдириш усулида бакелитли елимланадиган пленкалар, карбамид ва меламин формалдегид полимерлари шимдирилган безак пленкалар, текстолит олишда ярим хом ашё вазифасини ўтайдиган шиша, асбест ва пахта толали матолар полимерларда шимдириб олинади.
Полимерларни (стирол, полиакрилатлар, латекслар ва бошқ) цементли, гипсли, силикатли бетонларга, армоцементларга ва ш.к. шимдириб кимёвий муҳитларга чидамли, ўта мустаҳкам, совуққа бардошли буюм ва конструкциялар тайёрланади.
Сепиш усулида пластик масса металл лента ёки барабан юзасига кичик қалинликда ёйилади, қотгач юпқа пленка кўринишида кўчириб олинади. Бу усулда ацетилцеллюлозали шаффоф пленкалар ва тезда қурийдиган полимер эластик композициялар асосидаги материаллар олинади.
Пуркаш усулида кукунсимон полимер қиздирилган юзага сепилади, юзага эриб ёпишган полимер совитилгач мустаҳкам полимер қопламаси ҳосил бўлади. Пуркаш усулининг қуйидаги кўринишлари мавжуд: газ алангали, ўрама (вихр) ва псевдосуюқлантирилган. Газ алангали пуркашда полимер кукуни (полиэтилен, полипропилен, полиамидлар ва бошқ.) аланга орасидан ўтиб суюқланади, юзага урилиб ёпишади ва зарур бўлган қалинликдаги материал ҳосил бўлади.
Пайвандлаш усулида ярим тайёр пластмасса қисмлардан зарур бўлган шаклдаги буюмлар йиғилади. Полиэтилен, полипропилен, поливинилхлорид ва бошқа термопластик полимерлар асосидаги пластмасса буюмлар, санитария-техника мураккаб бурма қисмлар пайвандлаш усулида тайёрланади. Пайвандлаш усулида пластмассаларни қиздириш иссиқ ҳаво, юқори частота, ултратовуш, радиацион, контакт қиздириш услубида амалга оширилади. Пайвандланган пластмасса чоклари мустаҳкам бўлиб, нуқсонлар ҳосил бўлмайди.
Елимлаш усулида термопластик ва термореактив пластмасса қисмлардан йиғилиб буюм ва конструкцион материаллар олинади. Пластмассаларни елимлашда турли хил елимлар иссиқ ва совуқ ҳолда ишлатилади. Термопластик полимерлар уланиш жойи органик эритувчилар ёрдамида ишлов берилиб бир оз шишириш ҳисобига яхлитланиши мумкин. Елимланадиган пластмасса хилига қараб айнан шу полимер асосида олинган елимлар ишлатилиши мақсадга мувофиқдир. Эпоксид смоласи, полиуретанлар асосидаги универсал елимлар ва бошқа суперелимлар полимер қисмлар ва буюмларни елимлашда ишлатилади.

1.