6-маьруза Қурилиш композицион полимер материаллар ва уларнинг турлари. Энергия ва ресурс тежамкор технологиялари – валцовкалаш, каландрлаш, экструзиялаш, пресс-қолиплаш, штамповкалаш ва бошқА. Хоссалари

Полимер композициялар асосидаги пол учун мастикалар полиэфир, карбамид, эпоксид, ацетон-формалдегид ва бошқа смолалар заминида тайёрланади.

Полиэфир смоласи мастикалари оқ рангли сажа, шиша толаси ва қотиргич қўшиб олинади. Полиэфирли мастикалар гигиена талабларини қондиради, едирилишга бардошли, мустаҳкам, зарбий кучланишларга чидамли, декоратив материалдир. Улар кимёвий моддалар таъсири кузатиладиган хоналар ва санитария-техника хоналари полларини қоплашда ишлатилади. Бошқа термореактив смолалар асосидаги мастикалар ҳам жамоат ва саноат биноларида безакли ва турли агрессив муҳитларга чидамли поллар олишда ишлатилади.

4. Погонаж ва санитария-техника буюмлари

Погонаж буюмлар. Погонаж буюмларга рангли, узунасига ўлчанадиган биноларни безашда ишлатиладиган плинтуслар, зина, балконлар ва бошқа тўсиқлар учун тутқичлар, зина пиллапоялари учун устқуймалар, остоналар, деворларни қоплаш учун рейкалар, эшик ва дераза часпаклари, герметиклар ва зичлайдиган қистирмалар ва бошқалар киради.

Погонаж буюмлар асосан поливинилхлорид, полиэтилен, полистирол, полиметилметакрилат полимер композицияларидан экструзия усулида тайёрланади. Улар етарли даражада мустаҳкам, эластик, иссиққа ва ёнишга чидамли, кимёвий муҳитларга бардошли бўлади ва гигиена талабларини қондиради. Погонаж буюмларнинг ўлчамлари турлича бўлиши мумкин.

Плинтуслар ва тутқичлар одатда 12м ли ўрамларда ишлаб чиқарилади. Плинтуслар узунлиги 1,2-3,5 м ли бўлак ҳолда ҳам тайёрланади. Погонаж буюмларни исталган профилли (кўндаланг кесимли) қилиб ишлаб чиқариш мумкин. Улар об-ҳаво ва нам таъсирига чидамли бўлиши керак. Погонаж полимер буюмлар ёғоч, тош ва металлардан тайёрланган айнан шундай материал ўрнини бемалол боса олади, улардан арзонлиги ва осон монтаж қилиниши билан фарқ қилади.

Санитария-техника буюмлари. Санитария-техника буюмлари полиметилметакрилат, зарбга чидамли полистирол, полипропилен, полиамидлар, шишапластиклар асосида олинади. Улар асосида ванналар, поддонлар, сифонлар, раковиналар, унитаз, ювиш бачоклари, аралаштиргич, вентиляция панжаралари ва шу кабилар ишлаб чиқарилади. Пластмассалардан тайёрланган санитария-техника буюмлари мустаҳкам, сувга чидамли, гигиена талабларини қондирувчи, силлиқ юзали, занг тўпламайдиган хусусиятларга эга бўлади. Буюмлар девори (ванна, мойка, раковина) қалинлашса, полимер композициялар таркибига майда ва йирик тўлдиргичлар киритиб, полимер боғловчини тежаш ва хоссаларини яхшилаш мумкин.