6-боб липидлaр aлмaшинуви

Ёғ кислотaлaрнинг ω-оксидлaниши
Истeъмол қилинaдигaн ёғ кислотaлaридaн aрaxидон кислотaси aлоҳидa аҳамиятга эгадир, чунки бу ёғ кислотaни тўрт қўшбоғи бўлиб, улaр ω-ҳолaтидa жойлaшгaн. Ферментлар ёғ кислотасининг карбоксил учига таъсир этувчи митохондриал β-оксидланиш ҳайвонлар ҳужайраларида ёғ кислотаси катаболизмининг энг муҳим йўли бўлса ҳам, баъзи турларда, жумладан умуртқалиларда ҳам, карбоксил гуруҳидан узоқда жойлашган углерод атомида ω-оксидланиш каби, бошқа йўл бор. ω-Оксидланишга ҳос ферментлар (умуртқалиларда) жигар ва буйрак эндоплазматик ретикулумида жойлашган, субстрат сифатида эса асосан 10-12 углерод атоми мавжуд ёғ кислоталари ишлатилади. Сут эмизувчиларда ω-оксидланиш – бу одатда ёғ кислоталари парчаланишининг иккиламчи йўли ҳисобланади, лекин β-оксидланиш бузилса (масалан, мутация ёки карнитин етишмаганда), у катта аҳамиятга эга бўлади. Биринчи босқичда гидроксил гуруҳи ω-углеродига бирикади. Бу гуруҳ кислороди мураккаб реакция натижасида кислороддан олинади, у ўз ичига цитохром Р-450 ва электрон донори НАДФН ни олган. Бундай турдаги реакцияларни кўп функцияли оксидазалар бошқаради. Кейин ω-углеродга яна 2 фермент таъсир этади: алкогольдегидрогеназа гидроксил гуруҳни альдегидгача оксидлайди, альдегиддегидрогеназа эса альдегид гуруҳини карбон кислотасигача оксидлайди, натижада ҳар бир учда карбоксил гуруҳ тутган ёғ кислотаси ҳосил бўлади. Бу босқичда учлардан ҳар бири молекула митохондрияга кириши ҳамда β-оксидланишга одатдаги йўл билан учраши учун кофермент А ни боғлаб олиши мумкин. "Икки учга" эга бўлган ёғ кислоталари β-оксидланиш циклини ўтганда дикарбон кислоталар, масалан қаҳрабо кислотасини ҳосил қиладилар, у эса уч карбон кислоталар циклига киради ва адипин кислотасига айланади.
Кeтон тaнaчaлaри мeтaболизми
Инсонлар ва кўпчилик бошқа сут эмизувчиларда жигарида, ёғ кислоталарининг оксидланишида ҳосил бўлган ацетил-СоА ёки уч карбон кислоталари циклига тушиши, ёки бошқа тўқималарга экспорт қилиш учун «кетон таначаларига» – ацетон, ацетоацетат ва D-β-гидроксибутиратга айланиши мумкин. Бошқа кетон таначаларига нисбатан кам миқдорда ҳосил бўладиган ацетон парланиб кетади. Ацетоацетат ва D-β-гидроксибутират қон билан тўқималарга етказилади, жигардан ташқари барча тўқималарда ацетил-СоА га айланади ва уч карбон кислоталар циклида оксидланади. Тўқималарга, скелет ва юрак мушаги, буйракнинг пўстлоқ қисмига кетон таначалари энергия беради. Энергия манбаи сифатида фақат глюкозадан фойдаланадиган мия очликда ацетоацетат ва D-β-гидроксибутиратдан фойдаланишга мослашади. Жигарда кетон таначаларини ҳосил қилиш ва жигардан ташқари тўқималарга экспортлаш, гепатоцитларда ацетил-СоА уч карбон кислоталар циклида оксидланмаган ҳолатларда, жигарда ёғ кислоталарини тўхтовсиз оксидланиш имконини беради.
Ацетоацетат ҳосил бўлишининг биринчи босқичи жигарда кечади ва тиолаза катализлайдиган 2 молекула ацетил-СоА конденсацияланишидан иборат бўлади (7-расм); бу β-оксидланиш охирги босқичининг қайтарилишидир.



7-расм. Кетон таначалари синтези

Сўнгра ацетоацетил-СоА ацетил-СоА билан конденсирланиб, β-гидрокси-β-метилглутарил-СоА (ГMГ-CoA) ҳосил қилади, у эркин ацетоацетат ва ацетил-СоА га парчаланади. Ацетоацетат митохондриядаги D-β-гидроксибутиратдегидрогеназа таъсирида D-β-гидроксибутиратгача қайтарилади. Бу фермент D-стереоизомерга специфик; у L-β-гидроксиацил-СоА га таъсир этмайди, уни β-оксидланиш йўлидаги L-β-гидроксиацил-СоА-дегидрогеназа билан алмаштириб бўлмайди.