|
Ózin-ózi tekseriw hám bahalaw ushın sorawlar,
máseleler, tapsırmalar hám testler
1.Oqıtıw metodı dep nege aytamız?.Mısallar menen túsindiriń
2.Oqıtıw usılı degenimiz ne?.Oqıtıw metodı menen oqıtıw usılınıń bir-biri menen baylanısın hám ózgesheligin túsindiriń.
3.Oqıtıw quralı degenimiz ne hám ol qanday túrlerge bólinedi?
4.Oraylıq Aziyanıń ullı pedagog alımları oqıtıw metodları haqqında qanday pikirler bayan qılǵan?
5.Házirgi waqıtta oqıtıw metodlarına qanday talaplar qoyıladı?
6.Oqıtıw metodların túrlerge bóliwde qanday ilimiy-ámeliy tájiriybelerdi bilesiz? Oqıtıw metodların qanday túrlerge bóliwdiń tárepdarısız?
1. Awız-eki, kórsetpeli, ámeliy, mashqalalı, induktiv, deduktiv hám interaktiv oqıtıw metodları qanday didaktikalıq maqsetlerde qollanıladı?
2.Siziń qánigeligińiz pánin oqıtqanda qaysı oqıtıw metodları kóbirek qollanıladı? Mısallar keltiriń.
3.Aldıńǵı hám novator muǵallimler tájiriybesinde dástúriy emes qanday oqıtıw metodları qollanıladı?
4.Sabaqta oqıtıwdıń texnikalıq qurallarınan qanday maqsette paydalanıladı?
5.Áńgime, gúrriń metodı dep nege aytamız? Olardıń bir-birinen ózgesheligin mısallar menen dálillep beriń.
6.Siziń qánigeligińiz pánin oqıtqanda qanday didaktikalıq oyınlar, jumbaqlar, jańıltpashlar, naqıl-maqallar hám basqatırmalar qollaw múmkin?
7.Oqıtıw metodların tańlaw hám qollanıw nege baylanıslı boladı?
8.Pedagogikalıq texnologiya degenimiz ne? Siziń qánigeligińiz pánin oqıtqanda qanday pedagogikalıq texnologiya qollanıladı?.
9.Oqıtıw texnologiyası, pedagogikalıq texnika dep nege aytamız, olardıń bir-biri menen baylanısı hám ózgesheligi qanday?
10. Oqıwshılardı ózbetinshe erkin pikirlewge úyretiwde, olardıń dóretiwshilik oylawın hám uqıplıǵın rawajlandırıwda qanday pedagogikalıq texnologiya qollanıladı?
11. Pedagogikalıq protsesste aralıqtan oqıtıw, komp`yuter, internet, pedagogikalıq, Xabar hám baylanıs texnologiyaları keń túrde qollanılmaqta. Usıǵan baylanıslı jańa ásirde oqıtıw metodlarında qanday jańalıqlar boladı dep oylaysız?
12. Tariyx muǵallimi ullı sárkarda Ámir Temur azatlıq hám eldiń birligin ornatıwdaǵı gúresleriniń jeńislerin bayan etti. Biraq jeńisleriniń sebeplerin aytpadı, onı oqıwshılarǵa hár kim ózbetinshe tabıwdı usındı. Muǵallim sabaqtı qaysı oqıtıw metodı menen alıp barmaqshı?
13. Geografiya muǵallimi Qaraqalpaqstan Respublikasınıń geografiyasın ótkende oqıwshılarǵa kontur kartada tiykarǵı sanaat qalaların, jollardı, dár`ya hám kóllerdi, rayonlardı belgilewdi usındı. Sabaqtı usinday ótkende muǵallim qaysı oqıtıw metodın qollanǵan boladı?.
14. Qániygeligińiz páni boyınsha mashqalalı oqıtıw metodların qollanıp ótiletuǵın bir sabaqtıń joba konspektisin dúziń.
15. Interaktiv metodınıń ózgesheligi hám artıqmashlıǵı haqqında sabaqta shıǵıp sóylewge tayarlanıń?
16. Bilim, eplilik, kónlikpelerdi ózlestiriwge, biliw uqıplıqların rawajlandırıwǵa hám dúńyaǵa kóz-qarastı qáliplestiriwge járdem beretuǵın muǵallim menen oqıwshılardıń birgeliktegi xızmetiniń usılları qanday túsinikti ańlatadı?. A) Oqıtıw nızamlıqları V) Oqıtıw printsipleri S) Oqıtıw qaǵıydaları D) Oqıtıw usılları, E) Oqıtıw metodları.
17. Kórsetpeli oqıtıw metodları qaysı juwapta berilgen?. A) Áńgime, gúrriń, lektsiya V) Demonstratsiya, illyustratsiya, baqlaw S) Izlep taptırıw, izertlew, mashqalalı bayan etiw. D) Induktsiya, deduktsiya. E) Shınıǵıw, ámeliy hám grafikalıq jumıs.
18.Qaysı oqıtıw metodları awız-eki oqıtıw metodları túrlerine kiredi?. A) Baqlaw, áńgime, gúrriń, Eksperiment V) Shınıǵıw, laboratoriyalıq, ámeliy, grafikalıq jumıs S) Áńgime, gúrriń, túsindiriw, sabaqlıq penen islew, lektsiya D) Baqlaw, demonstratsiya, illyustratsiya E)Mashqalalı bayan etiw, izlep taptırıw, izertlew
19. Ámeliy oqıtıw metodları kórsetilgen juwaptı tabıń? A) Eksperiment, test, anketa, interv`yu V) Baqlaw, demonstratsiya, illyustratsiya S) Interaktiv, izlep taptırıw, izertlew D) Shınıǵıw, laboratoriyalıq, ámeliy hám grafikalıq jumıs. E) Gúrriń, áńgime, túsindiriw, lektsiya.
20. Oqıwshılardıń kontur karta menen islewi qaysı oqıtıw metodına jatadı. A) Interaktiv V) Shınıǵıw S) Izertlew D) Awız-eki E) Durıs juwap joq.
21.Oqıwshılar qubılıstı ózbetinshe júzege shıǵarsa, olardı hár tárepleme baqlasa hám baqlaw nátiyjesinde ulıwma juwmaq shıǵarsa sabaq qanday oqıtıw metodı menen ótilgen esaplanadı? A) Eksperiment V) Interaktiv S) Izertlew D) Shınıǵıw E) Laboratoriyalıq jumıs.
22. Sabaq shólkemlestirilse, maqseti aytılsa, sabaqtıń baǵdarlaması oqıwshılarǵa tarqatılsa, ádebiyatlar menen támiyinlense, oqıwshılar sabaq baǵdarlamasındaǵı sorawlarǵa, tapsırmalarǵa ózbetinshe juwap tapsa hám juwaplar dodalansa, sabaq juwmaqlanıp úyge tapsırma berilse sabaqta qanday oqıtıw texnologiyası qollanılǵan boladı? A) Xabar texnologiyası; V) Baylanıs texnologiyası; S) Modul texnologiyası; D) Reyting texnologiyası; E) Komp`yuter texnologiyası.
23. Ózińizdiń qániygeligińiz boyınsha sabaqlardı baqlań hám mına sorawlarǵa juwap tabıń? A) Sabaq qaysı sabaq túri menen ótildi? B) Oqıwshılarǵa sabaq maqsetiniń túsindiriliwi qanday boldı? V) Sabaqta qanday pedagogikalıq hám oqıtıw texnologiyası qollanıldı, qanday oqıtıw metodlarınan paydalanıldı. G)Sabaqta qanday jumıs túrleri shólkemlestirildi? D) Qanday didaktikalıq oyınlar oynaldı? E) Oqıwshılardıń sabaqqa jedelli qatnası qanday? J) Sabaqta qanday kórsetpeli hám texnikalıq qurallar qollanıladı? Z) Sabaq Sizge unadıma, unamasa ne ushın unamadı?
Do'stlaringiz bilan baham: |
