5 morfologiya. So‘z turkumlari. Ot

OTLARNING KICHRAYTIRISH VA ERKALASH SHAKLLARI
Otlarning -cha,-choq,-(a)loq,-chak,-kay kabi qo’shimchalarni olgan shakli kichraytirish shaklidir. Masalan: uy-uycha,qiz-qizcha...
-cha qo'shimchasi erkalatish, suyish ma'nosida ham qo'llanadi:
Baxtingdan o'rgulay, do'ndiqchalar, tuf-tuf, ko'z tegmasin...
Otlarning -jon,-xon,-bek,-oy,-voy,-gina(-kina,-qina) kabi qo'shimchalarni olgan shakli erkalash shakli hisoblanadi: Nozimbek,bolaginam.
-gina qo’shimchasi kichraytirish-erkalashdan tashqari ayiruv yuklamasini ham ifodalaydi. Bu qo'shimchalar shakldoshdir. Ayiruv yuklamasi urg’u olmaydi,-gina qo'shimchasi kichraytirish-erkalashni ifodalasa, urg'u oladi: Qizginam keldi. Farhodgina kelmadi.
-gina qo 'shimchasi kichraytirish-erkalash mа 'nosini ifodalaganda, egalik qo'shimchasi shu qo'shimchadan keyin joylashadi: qizginam, do'stginam; yuklama bo'lib kelganda egalik qo'shimchasi shu qo 'shimchadan oldin joylashadi: qizimgina, do 'stimgina.
Erkalatish ma'nosi ayrim hayvon, o'simlik nomlariga egalik qo'shimchasini qo'shish bilan ham ifodalanadi. Bunday hollarda biror shaxsga murojaat ma’nosini ifodalaydi. Masalan: Kechir, arslonim, hozir uyingga bormoqchi edim.Kelinglar, qizaloqlarim, gullolalarim,о'tiringlar.
OTLARNING TUZILISHIGA KO'RA TURLARI
1. Sodda otlar: uy,yer,daraxt,tosh,tuz,kuldon,ishchi,quruvchi,bilim.
2.Qo'shma otlar: qo'lqop,oltingugurt,beshiktervatar,ko'zoynak,xo'rozqand.