5 morfologiya. So‘z turkumlari. Ot

Shaxs otlari kim? so'rog'iga javob bo'lib, shaxslarni yoshiga, yashash joyiga, mansab-unvoniga, kasb-koriga, ijtimoiy holatiga, qarindoshlik darajasiga, nasl-nasabiga ko'ra nomlab keladi. Masalan: chol,yigit,bola,kampir,qiz – yoshiga ko'ra; qishloqlik, shaharlik,buxorolik - yashash joyiga ko'ra; suvchi,zargar,o'qituvchi – kasb-koriga ko'ra;dekan, direktor, professor, mayor,rais – mansab-unvoniga ko'ra; xola,dada,amaki,tog'a – qarindoshlik darajasiga ko'ra; shoh,gado – ijtimoiy holatiga ko'ra; xo'ja,said – nasl-nasabiga ko'ra nomlab kelgan.
Shaxs otlarining bir guruhi asosga –chi, -soz, -kor, -xon, -dosh, -boz(-voz), - vchi, -lik, -shunos qo'shimchalarini qo'shish yordamida yasaladi.
-vchi qo'shimchasi i unlisi bilan tugagan fe’llarga qo'shilganda, i unlisi u shaklida, a bilan tugagan fe’llarga qo'shilganda, a unlisi о shaklida talaffuz qilinadi va shunday yoziladi. Masalan: to'quvchi, saylovchi. Undosh bilan tugagan fe’llarga -uvchi shaklida qo'shiladi: quruvchi, suzuvchi.
-lik qo'shimchasi o'rin-joy bildiruvchi turdosh va atoqli otlarga qo'shilib, shaxsning shu hududga mansubligini bildiradi. Masalan: shaharlik,toshkentlik, andijonlik, qo'qonlik, fransiyalik.
Atoqli otlarga qo’shilgan -lik qo’shimchasi atoqli otni turdosh otga aylantiradi va kichik harf bilan yoziladi. Toshkent - toshkentlik, Qo 'qon - qo’qonlik.