5-мавзу: хорижий мамлакатларнинг менежмент моделлари ва уларнинг компания фаолиятига таъсири

4. Менежмент услубидан қатъи назар ишга доир этикет

Ҳар қандай мамлакатда глобал менежерга қабул қилувчи мамлакатнинг турли маданий ва тарихий хусусиятларига тўғри ва мос келувчи ишга доир этикет асосларига риоя қилиш тавсия қилинади. Бундай асосларга:

• 
  белгиланган ишбилармонлик учрашуви вақтига қатъий риоя қилиш;
  
• 
  музокаралар бошлашдан аввал ташриф карточкалари билан алмашиш зарур ва ташриф карточкасини узата туриб, ўз номингизни аниқ айтинг;
  
• 
  музокараларни делегация бошлиғи – компаниянинг энг юқори лавозимли вакили бошлаши керак. Музокаралар пайтида у ташаббусни муҳокама қилинаётган муаммони энг яхши биладиган менежерга бериши мумкин;
  
• 
  музокара қатнашчиларини жойлаштириш қоидаларига (делегация бошлиқлари , одатда, бир-бирига қарама-қарши ўтиради) амал қилиш муҳим;
  
• 
  ўз аргументларини баён қилишда фақат таржимон ёки тилни биладиган шахсга мурожаат этмаслик керак;
  
• 
  ишбилармонлик суҳбатида секин суръатда аргументларни аниқ ва ихчам изоҳлаш билан гапириш керак;
  
• 
  музокараларни олиб бориш суръати иккала томон фикрларини тўғри қабул қилиш ва зарур бўлганда аниқловчи саволлар бериш имкониятини бериши керак;
  
• 
  ишбилармонлик суҳбати имкониятидан тўла фойдаланиш учун ҳар бир томоннинг тадбирлар режасини эътибор билан муҳокама қилиш лозим;
  
• 
  музокаралар якунида доим шерикларга сизга ажратган вақтлари учун миннатдорчилик билдириш керак;
  
• 
  ўз офисингизга қайтгандан сўнг учрашувда келишилган ҳаракатларни содир қилишдан ташқари ҳамкорликка қизиқиш сусаймаганлигини билдириш учун миннатдорчилик хатини юбориш лозим;
  
• 
  шериклар саволлари ва талабларига дарҳол жавоб бериш керак. Бу шерик хабарини қабул қилганлигингизни англатади.
  

5. Менежментнинг хорижий моделлари

Менежмент мавжуд бўлиши даврида кўпгина хорижий мамлакатлар ўзларининг ўзига хос хусусиятларини ҳисобга олиш билан саноат, қишлоқ хўжалиги, савдо ва бошқа соҳаларда бошқарувнинг назарияси ва амалиёти соҳасидаги кўпгина маълумотларни тўплаганлар.

Бу тўпланган тажрибани ўрганиш ва улардан фойдаланишни тақозо қилади. Шунинг билан бирга, менежмент моделлари шаклланишининг жаҳон тажрибаси (ва ҳаммадан аввал Япония тажрибаси) шундан дарак берадики, бошқарув моделларини битта ижтимоий маданий муҳитдан бошқасига кўчиришнинг амалда иложи йўқ. Менежментнинг хусусий моделини яратишда мулкчиликнинг тури, давлат қурилишининг шакли ва вужудга келган бозор муносабатларининг пишиб етилиши каби омилларнинг таъсирини ҳисобга олиш зарур.