4-mavzu: pedagogik tizimlarni loyihalashtirish

Tanishtiruvga mo’ljallangan, axborotli loyihalar va ularning tavsifnomasi: Bu xil loyihalar avvaldan biror ob’ekt, voqea haqida axborot yig’ishga yo’naltiriladi; loyiha qatnashuvchilarini shu keng auditoriyaga mo’ljallangan axborot bilan tanishtirish, tahlil qilish, dalillarni umumlashtirish talab qilinadi. Bunday loyihalar, xuddi tadqiq etiluvchilari kabi yaxshi o’ylanilgan tuzilmani, ish davomida tizimli tahrir qilishga imkoniyatini talab qiladi.
Amaliy faoliyatga yo’naltirilgan loyihalar: Bu loyihalar boshdanoq ishtirokchilar faoliyatining yaqqol natijalarini ajrata oladi. Natija esa ishtirokchilarning ijtimoiy manfaatlari tomon yo’nalgan bo’ladi (tadqiqot natijalari asosida tuzilgan hujjatlar - ekologiya, biolo-giya, geografiya, agrokimyo, tarixiy, adabiy va boshqa mazmundagi harakat dasturi, tabiat, jamiyat bo’yicha, qonun loyihasi, lug’atlar, tavsiyalar va boshqa-lar keltiriladi.
Bunday loyiha diqqat bilan tuzilgan tuzilmani, hatto har birining vazifasi aniq belgilangan ishtirokchilarning barcha faoliyatining yozilmalarini, shuningdek aniq xulosalarni, ya’ni, loyihaviy faoliyat natijasini rasmiylashtirishni va har bir ishtirokchining yakuniy natijani rasmiylashtirishda qatnashishini talab qiladi. Bunda bosqichma-bosqich muhokama qilish rejasida birgalikdagi va yakka tartibda mustaqil harakat qilishlarni to’g’rilash, olingan natijalarni taqdimot qilishni tashkil qilish, ularni amaliyotga tatbiq qilishni uyushtirishda, shuningdek loyihani tizimli tashkil baholashda muvofiqlashtirish ishini yaxshi tashkil qilish juda muhimdir.
Bunday loyihalar ko’pincha tadqiqot loyihalariga aylanadi va ularning ajralmas qismi bo’lib qoladi. Axborot izlash va tahlil maqsadida tekshirish faoliyati tarkibi yuqorida aytilgan predmet-tadqiqot faoliyatiga juda o’xshash:
- axborot izlash predmeti;
- izlashning bosqichliligi, oraliq natijalarini belgilash bilan;
- to’plangan dalillar ustidan tahliliy ish;
- xulosalar;
- dastlabki yo’nalishni tuzatish (agar talab qilinsa);
- aniqlangan yo’nalishlar bo’yicha axborotni yana izlash;
- umumlashtirish;
- yakuniy xulosalar (ishtirokchilarni qanoatlantiruvchi ma’lumotlar olinganicha davom etish);
- xotima, natijalarni rasmiylashtirish (muhokama, tahrir, taqdimot, tashqi baho).