4-mavzu. Ilashish muftasi

Фрикцион контактли узатма. 3.9-расмда бевосита контактли поғонасиз узатма келтирилган. Кичик енгил автомобилларида ўрнатилган. Бундан ташқари, ушбу узатма станоксозликда кэнг қўлланилади. Етакчи вал 1 билан шарикли юкловчи қурилма ёрдамида боғлик бўлган вал 8 да етакчи дисклар 3 ва шпонкалар 5 ўрнатилган. Дисклар ўқи бўйлаб ҳаракатланишлари мумкин. Дисклар орасида ўзининг ўқларига нисбатан еркин айланадиган роликлар 9 ўрнатилган. Узатмани барча елементлари пружина 7 билан бир-бирига сиқилган. Сиқиш кучи узатилаётган буровчи моментга пропорционал. Буровчи момент ошиши билан шариклар ўзгарувчан қирқимли арикчалардан ғилдираб вал 8 ни суради ва пружина 7 ни сиқади. Шу туфайли диск ва ролик орасида контакт кучи ошади. Узатмада бир вақтда иккита тор ишлаши унинг ўлчамларини кичиклаштириб, етакланувчи валда ўқ бўйлаб таъсир етувчи кучларни мувозанатлайди.
Фрикцион пона тасмали узатма. Бундай узатмали автомобиллар сони дунёдаги автомобилларнинг умумий сонидан тахминан 2% ташкил этади. Узатмани иш принципи пулат тасма ўрнатилган етакчи ва етакланувчи шкивларни кенгайиши ва торайиши мумкинлигига асосланган. Шкивларни кенгайтириш ва торайтириш уларнинг ярмини ўқ бўйлаб суриб амалга оширилади. Бунинг учун улар гидроцилиндрлар билан уланган. Гидроцилиндрларга мойни босим остида тизимда ўрнатилган махсус мой насоси ҳайдайди. Шкивнинг етакчи қисмига ҳаракат умумий картерда жойлаштирилган планетар редуктор орқали бажарилади. У ўз навбатида кўп дискли тормоз механизми ва кўп дискли илашиш муфтаси орқали бошқарилади. Шу илашиш муфтаси автомобилни ўрнидан қўзғалишида ҳам ишлатилади. Шкив кенгаяётганда пўлат тасмани шкив ўқига якинлашишига, тораяётганда пўлат тасмани сиқиб чиқарилиб, уни шкив ўқидан узоқлашишига олиб келади.
Юқорида келтирилган механик поғонасиз узатмаларнинг хусусиятлари қуйидагича:
Афзалликлари: - узатиш сонининг поғонасиз ўзгариши.
Камчиликлари: - узатиш сонини ўзгартирувчи ички автоматизм йўқ;
- ишқаланиш мавжудлиги туфайли ФИК ни паст;
- узатиш сонини ўзгартириш диапазони бирмунча кичик;
- конструкцияси мураккаб.