3. Музокаралар олиб бориш услублари. Музокараларга тайёргарлик кўриш ва уларни ўтказиш. Музокаралар якуни бўйича хулоса қилиш

CV ҚАНДАЙ ҲУЖЖАТ?
CV - Curriculum Vitae, лотинча сўздан келиб чиққан бўлиб, “ҳаёт йўли” деган маънони англатади. Ушбу ҳужжатда иш қидирувчи эга бўлган барча мутахассисликлар, таълим олган қўшимча курслари, унинг иш жойлари, барча лавозимлари, бажарган хизмат вазифалари хронологик тартибда акс эттирилади.
Бу ҳужжат резюмега нисбатан анча катта ҳажмдаги ҳужжатдир.
Баъзи СVда ишга кирувчи номзоднинг нашр эттирган ишлари, қатнашган конференциялари, уларнинг номи, стажировкалари ва бошқа маълумотлари ҳам акс эттирилиши мумкин. Шу сабабли CV нинг ҳажми, резюменинг ҳажмидан фарқли равишда, ўнлаб варақдан иборат бўлиши мумкин.
Резюме анча ихчам ҳужжат бўлиб, унда иш қидирувчи касбий фаолиятининг фақатгина энг муҳим томонлари кўрсатилиб, унинг иш тажрибаси, касбий кўникмалари ва эришилган ютуқлари айнан конкрет вакансияга қаратилади ва тескари хронологик тартибда акс эттирилади. Яъни битта номзод ҳақидаги маълумотлар вакансияга қараб турлича бўлиши мумкин.
Кўпчилик RESUME ва СV ларни бир хил кўринишга эга ҳужжат, деб хато ўйлашади. Аслида булар фарқли ҳужжатлардир. Уларни асосий параметрлар бўйича солиштирамиз:
МАЪЛУМОТНОМА (Объективка) 
Маълумотнома (объективка) – ишга кирувчи номзод ёки эгаллаб турган лавозим ходимининг қисқача тавсифини ўз ичига олган ҳужжатдир. 
Маълумотнома (объективка)дан қуйидаги кадрлар фаолиятини амалга оширишда фойдаланилади:
• номзодни ишга олишда;
• лавозимга кўтарилиш мумкин бўлган ҳолларда;
• меҳнат мукофотлари ва рағбатлантиришларни тайинлаш учун;
• сўров бўйича ташкилотдаги ходим ҳақида маълумот юбориш;
• ходимларни ўз лавозимларига мувофиқлиги тўғрисида ўтказилган аттестацияда. 
Маълумотнома (Объективка) да қуйидаги маълумотлар мавжуд:
• фамилияси, исми, отасини исми;
• лавозими;
• туғилган кун, ой, йил
• туғилган жойи;
• маълумоти, илмий унвони, даражаси;
• махсус унвон;
• давлат мукофотлари ва идоравий мукофотлар;
• чет тилларини билиши;
• сайланадиган органларда иштирок этиши;
• иш тажрибаси;