3-мавзу. Суғурта фаолияти классификатори ва унга оид суғурта класслари. Ҳаёт суғуртаси Режа

2-савол баёни: Умумий суғурта (шахсий, мулкий суғурта , жавобгарликни суғурта қилиш ҳамда ҳаётни суғурта қилиш соҳасига таалуқли бўлмаган бошқа суғурта турлари ).
Умумий суғурта қилиш қуйидаги классларга бўлинади:
I класс- Бахтсиз ходисалардан эҳтиёт шарт суғурта қилиш: Қуйидаги ҳолларда:
а) Бахсиз ходиса ёки муайян турдаги бахтсиз ходиса натижасида соғлиқнинг қаттиқ шикастланиши ёҳуд;
б) Бахсиз ходиса ёки муайян турдаги бахтсиз ходиса натижасида вафот этган тақдирда, ёҳуд;
в) Касаллик ёки муайян турдаги касаллик натижасида меҳнат қобилиятини йўқотиш, шу жумладан ишлаб чиқаришда жарохатланиш ва касб касалликларини, бироқ иккинчи класс ва IV класс бўйича суғурта шартномаларини истисно қилган ҳолда, суғурта қилинган шахсга суғурта таъминотининг белгилаб қўйилган пул суммасининг ёки пул компенсацияси тўланишини таъминловчи суғурта турлари.
II класс- Касалликдан эҳтиёт шарт суғурта қилиш: Суғурта таъминотининг белгилаб қўйилган пул суммаси тўланишини ёки касаллик ёки соғлиқнинг издан чиқиши муносабати билан суғурта қилдирувчининг пул компенсацияси (ёки унинг ҳам, бунинг ҳам компенсацияси)ни таъминловчи суғурта турлари жами, бироқ ҳаётни суғурта қилиш тармоқларининг IV класси бўйича шартномаларни истисно қилган ҳолда.
III класс- Ер усти транспорт воситаларини суғурта қилиш: Транспорт воситалари, ўзи юрар машина ва механизмлар, ҳаракатланадиган темир йўл таркиби бундан мустасно, йўқотилганда ёки шикастланганда суғурта қопламаси тўланишини таъминловчи суғурта турлари.
IV класс- Ҳаракатланадиган темир йўл таркибини суғурта қилиш: Ҳаракатланадиган темир йўл таркиби йўқотилаганда ёки шикастланганда суғурта қопламаси тўланишини таъминловчи суғуртанинг турлари.
V класс- Авиация суғуртаси: Ҳаво кемаси, ҳаво кемасининг машина асбоб-ускуналари, жиҳозлари, инвентари, эҳтиёт қисмлари йўқотилганда ёки шикастланганда суғурта қопламаси тўланишини таъминловчи суғуртанинг турлари.
VI класс- Денгиз суғуртаси: Денгиз ва ички дарё кемалари, кемаларнинг машина асбоб-ускуналари, инвентари, эҳтиёт қисмлари йўқотилганда ёки шикастланганда суғурта қопламаси тўланишини таъминловчи суғуртанинг турлари.