26 authors, including: Some of the authors of this publication are also working on these related projects

qonunni imzolash va
e ’lon qilishdir.
Konstitutsiyaning 84-moddasiga muvofiq, ushbu vakolat 
O‘zbekiston Respublikasi Prezidentiga tegishlidir. Oliy Majlis Senati
437

---

tomonidan ma’qullangan qonun imzolanishi va e’lon qilinishi uchun Senat 
qarori bilan birgalikda O‘zbekiston Respublikasi Prezidentiga o‘n kun ichida 
yuboriladi.
O‘zbekiston Respublikasi Prezidenti tomonidan qonun o‘ttiz kun 
ichida imzolanadi va e’lon qilinadi. Xorijiy davlatlarning konstitutsiyaviy 
huquqiga ko‘ra, vakolatli organ tomonidan qabul qilingan va tasdiqlangan 
qonunning davlat boshlig‘i tomonidan Konstitutsiya yoki qonunda 
belgilangan muddatda rasmiy bosma nashrda e’lon qilinishi promulgatsiya 
(lotincha «promulgatio» - e’lon qilish) deb yuritiladi1.
Konstitutsiyamizning 84-moddasiga binoan qonunlarning va boshqa 
normativ-huquqiy hujjatlarning matbuotda e’lon qilinishi ular qo‘llanishi- 
ning majburiy sharti hisoblanadi. «Normativ-huquqiy hujjatlar to‘g‘risida»gi 
O‘zbekiston Respublikasi qonunining 29-moddasiga ko‘ra, «O‘zbekiston 
Respublikasi Oliy Majlisi palatalarining axborotnomasi», «O‘zbekiston 
Respublikasi qonun hujjatlarining to‘plami», «Xalq so‘zi» va «Narodnoye 
slovo» gazetalari O‘zbekiston Respublikasining Konstitutsiyasi va qonunlari, 
O‘zbekiston Respublikasi Oliy Majlisi palatalarining qarorlari, O‘zbekiston 
Respublikasi Prezidentining farmonlari, qarorlari va farmoyishlari e’lon 
qilinadigan rasmiy manbalardir.
O‘zbekiston Respublikasi Prezidenti qonunni o‘z e’tirozlari bilan 
O‘zbekiston Respublikasi Oliy Majlisiga qaytarishga haqli.
Agar qonun avvalgi qabul qilingan tahririda tegishincha O‘zbekiston 
Respublikasi Oliy Majlisining Qonunchilik palatasi deputatlari va Senati 
a’zolari umumiy sonining kamida uchdan ikki qismidan iborat ko‘pchilik 
ovozi bilan ma’qullansa, qonun O‘zbekiston Respublikasi Prezidenti tomoni­
dan o‘n to‘rt kun ichida imzolanishi va e’lon qilinishi kerak.