2021, Maxsus son “pedagogik mahorat” ilmiy-nazariy va metodik jurnal issn 2181-6883

 
58 
Нурбек РАҲМАТОВ 
Бухоро давлат университети 
мусиқа таълими кафедраси 
ўқитувчиси 
Вазира АТАЕВА 
 
ФОРТЕПИАНО ФАНИНИ ЎҚИТИШДАГИ ИННОВАЦИЯЛАР ВА ИЛҒОР 
ХОРИЖИЙ ТАЖРИБАЛАР
 
 
Мақолада фортепиано фанини ўқитишдаги инновациялар ва илғор хорижий тажрибалар 
таҳлил этилган.
Калит сўзлар: педагогика, фортепиано, инновация, педализация, саҳналаштириш, жўрлик, 
legato, полифония, горизонтал, аккорд, фигурация. 
В статье анализируются нововведения и передовой зарубежный опыт преподавания 
фортепиано. 
Ключевые слова: педагогика, фортепиано, инновация, педализация, постановка, 
аккомпанемент, легато, полифония, горизонталь, аккорд, фигурация. 
The article analyzes innovations and advanced foreign experience in teaching piano. 
Keywords: pedagogy, piano, innovation, pedalization, staging, accompaniment, legato, polyphony, 
horizontal, chord, figuration. 
 
Кириш.
Педагогик технологиялар асосида фортепиано ижрочилигини ривожлантириш борасида 
шуни алоҳида таъкидлаш жоизки, бугунги кунда мусиқа таълимига педагогик технологияларни жорий 
етиш таълим жараёни самарадорлигини оширишга хизмат қилмоқда. Таълим жараёнини 
режалаштириш ва ташкил этишда, шунингдек, дарс мазмунини такомиллаштиришда педагогик 
технологиялар муҳим рол ўйнайди.
Асосий қисм.
Мусиқа дарслари, асосан, бошқа фанларга нисбатан амалий ва якка тартибда олиб 
борилади. Ўқитувчи ўз фаолияти орқали ўтиладиган фандан келиб чиқиб, улардан фойдаланишда 
қайси педагогик технологиялар энг самарали эканлигини билиши мақсадга мувофиқдир. 
“Чигил ёзди”
усули.
 
Бу усул машғулот бошида талабаларни асар мазмунига қаратиб руҳан 
тайёрлаш, диққатини тезроқ жалб этиб, машғулотга тез киришиб кетиши учун қўлланилади. Ўқитувчи 
машғулот бошланишида мусиқий асардан парча ижро этиб, шу асарга боғлиқ бўлган қизиқарли 
маълумотларни гапириб беради. Масалан: асарнинг яратилиши тарихи ва уни ижро этган етакчи 
ижрочилари ҳақида, асарнинг образи, ғояси ва шу кабилар. Бу усул орқали талабаларни асарни 
ўрганишга бўлган қизиқиши ортади ва ўз навбатида тезроқ ўрганишларига йўл очиб берилади. 
Мақсад: мусиқий асарнинг мазмунини, характерини тушуниб ижро этиш.