20-мавзу: Ўзбекистонда халқаро туризмни ривожлантириш маъруза машғулоти режаси

1. Умумий қизиқиш уйғотувчи бозор.
Ўзбекистонда туризм тарихий ва маданий мерос шаҳарлари таклиф қилувчи маҳсулотга тор фокусланган. Тарихга ва маданиятга қизиқувчи «таътилчилар» кўпинча ўз қизиқишларини анъанавий саноат шакллари, замонавий турмуш тарзи, табиат ва ҳоказоларга кенгайтиришни исташади. Бундан ташқари бозорнинг шундай муҳим сегментлари мавжудки, улар учун табиат бўйлаб саёҳат ёки унинг тарихий жойларга боришга қўшилиши таътилни у ёки бу ерда ўтказиш учун муҳим мотивация ҳисобланади. Ўзбекистонда Чимён, Тошкент ва Фарғона оралиғидаги тоғлар, Шоҳимардон, Зомин миллий боғи ва Зарафшон тоғлари каби табиат инъомларидан кўпроқ фойдаланиб бозорнинг бу сегменти талабларини қондириш имкониятлари мавжуд. Бу минтақалардаги табиат ландшафтларининг жозибасига кейинчалик маҳаллий аҳолининг ҳаёти, уларнинг овқати, маҳаллий бозорлар, анъаналар билан танишиши имкониятларини қўшиш мумкин. Бу эҳтиёжни амалга ошириш учун этнографик музей ташкил қилиш мақсадга мувофиқ бўлади.
Ўзбекистон муносабати билан кўпчилик яхши биладиган пахта ва ипак ишлаб чиқариш ҳам хорижлик туристларда қизиқиш уйғотади.
2. Алоҳида қизиқиш уйғотувчи бозор.
Бу категорияга алоҳида малака талаб қилувчи ва баъзи кишилар шунчалик қизиққанларидан у билан шуғулланиш учун оддий дам олишни йиғиштириб қўядиган фаолият кўринишларини киритамиз. Ўзбекистон учун бундай мисоллар чанғида учиш, туристик поход, отда, эшакда, туяда юриш, археология, экология ва бошқалар бўлади. Ўзбекистонда тоғ туристик йўналишлари (Алом «доираси» — Кўксойдан Чотқолга, Пскент дарасининг Мовий кўлларига саёҳат, анъанавий май Чимён алпиниадалари ва ҳ.к.)дан олинган тажрибаларни йўқотмаслик керак. Ўзларининг махсус қизиқишларига кўра саёҳат қилувчи халқаро туристлар сони кам бўлса ҳам, улар бозорнинг ривожланиши керак бўлган тирқишларини тўлдирадилар. Бу эса уларга рақобатчилар ҳаракати йўналтирилиши мумкинлигини билдиради. Натижада улар туристларга Ўзбекистонда мавжуд тенгсиз йўналишлар бўлмаган бошқа минтақаларга боришга ундашга йўналтирилган ажойиб қулайликлар таклиф қилишади. Бундай меҳмонлар сони чекланган бўлишига қарамасдан алоҳида қизиқиш бозори Ўзбекистон фойдаланиши зарур бўлган имкониятдир.