20-мавзу: Ўзбекистонда халқаро туризмни ривожлантириш маъруза машғулоти режаси

Ўзбекистонга ташриф буюрган хорижлик туристлар³

Йиллар	Туристлар (минг киши)	Ўтган йилга нисбатан ўсиш, фоиз
1998	272,0	7,6
1999	274,0	0,7
2000	306,0	11,9
2001	326	10,3
2006	330	12,4

Ўзбекистонда халқаро туризмни янада жонлантириш мақсадида 1995 йилнинг октабр ойида Тошкент шаҳрида «Буюк Ипак йўли бўйлаб туризм» деб номланган биринчи халқаро туристик ярмарка ўтказилди. Ярмарка шундан буён ҳар йили ўтказиб келинмоқда.

Ўзбекистонда халқаро туризмни ривожлантиришда «Буюк Ипак йўли»нинг аҳамияти чексизлигини ҳисобга олган ҳолда, ҳукумат томонидан қабул қилинган «Буюк Ипак йўлининг тикланишида Ўзбекистон Республикасининг иштирокини фаоллаштириш ва республикада халқаро туризмни ривожлантириш тўғрисида»ги Фармони кутилган натижаларни бермоқда. Буюк Ипак йўли орқали ташилган маҳсулотлар ипакдангина иборат бўлмай, балки бу йўл орқали бронза, жун хомашёлари ва улардан тайёрланган буюмлар ҳам ташилар эди. Буюк Ипак йўли икки минг йиллик тарихга эга, у йўл асосан Италиядан Туркия орқали Ироқ ва Эронга борган, у ердан эса Марказий Осиёга ҳамда Шимолий Помир орқали Ёркентгача борган. Бу ердан йўл иккига ажраган ҳамда шимол томондан Такла-Макон саҳросини айланиб ўтиб Лобнор кўли яқинида қўшилган ва Шанхайгача борган.
Ўзбекистонда кейинги йилларда ажойиб иншоотлар, маданий дам олиш масканлари, зиёратгоҳлар вужудга келди. Сўнгги йилларда республикамизда ўзбек миллий кураши, теннис бўйича жаҳон миқёсида нуфузли чемпионатлар ўтказилмоқда. Бу тадбирлар кўпгина хорижий мамлакатлардан туристлар келишига олиб келмоқда. Халқаро туризмни ривожлантиришда бу омилларни ҳам назардан четда қолдирмаслик лозим.