20-Mavzu: Qurilish mashinalari saroyini tashkil etish va undan foydalanish. (4-soat)

Maxsus avtotransport vositalarining sxemasi

Transportning bu guruhi juda ko‘pdir. Unga avtomobil va temir yo‘l transportining ixtisoslashtirilgan turlari, hamda qurilishning alohida sharoitlarida qo‘llaniladigan – materiallarni jarliklar, daryolar, tog‘ning tik yon bag‘irlari orqali tashishda qo‘llaniladiganlarni ham kiritish mumkin.

Avtobetonaralashtirgichlar beton aralashmasining dozalangan komponentlarini, tayyor beton aralashmasini tashish va iste’molchiga yetkazib berish, qurilish maydoniga borish yo‘lida yoki qurilish maydonchasiga yetib kelganda beton aralashmasini (harakatchan va kam harakatchan) tayyorlash uchun mo‘ljallangan. Texnologik nuqtai nazardan avtobetonaralashtirgichlar beton aralashmasini tashish uchun eng mukammal ixtisoslashtirilgan turi hisoblanadi, ayniqsa tuman beton zavodlaridan o‘zoqda joylashgan tovar betonlarni texnologik jihatdan yo‘l qo‘yiladigan masofalardan uzoqlashgan ob’yektlarga tashishda shuningdek ularning o‘zida betonaralashtirish konstruksiyasini qurish mumkin bo‘lmaganda yoki samarali bo‘lmaganda.
Avtoqorishmatashigichlardan ob’yektlarda qurilish qorishmalarini tashish va mo‘ljallab-portsiyalab berish uchun foydalaniladi. Texnologik jihozga issiqlikdan izolyatsiya qiluvchi material bilan qoplangan va tashqi tomoni listli po‘lat bilan koshinlangan tsisterna kirib; u avtoqorishmatashgichdan – 5⁰S gacha temperaturalarda foydalanishga imkon beradi. Sisternaning yuqori qismida qorishmani quyish uchun ikki tabaqali ochiluvchi qopqoqlar mavjud, pastki qismida esa – qorishmani portsiyalab (qismlab) to‘kishga imkon beruvchi qulf-ajratkichli chiqarish teshigi bor. Sisterna ichida qorishmani aralashtiruvchi va chiqarish teshigiga ko‘chiruvchi lopastli val bor.
Avtobitumtashgich va avtogudronatorlar neftni qayta ishlash zavodlaridan temperaturasi 200⁰S gacha bo‘lgan bitum materiallarini ishlar bajariladigan joygacha tashish uchun mo‘ljallangan. Avtobitumtashgichlarning konstruksiyasi tashqarisi koshinlab qoplangan issiqlikdan izolyatsiya qilingan tsisternadan iborat. Sisternaning ichida ko‘proq bikirlik berish va gidravlik zarbalarni so‘ndirish uchun ikkita pardadevor va bitumni isitish tizimining ikkita quvuri bor. Yuklovchi teshigi va bitumni to‘kish truboprovodi (quvuro‘tkazgichi)ni biriktirish uchun flanets bor. Avtobitumtashgichning konstruksiyasi tashishda tsisternada bitum temperaturasini isitmasdan saqlashga va zarur bo‘lganda bitumni ishchi temperaturagacha isitishga imkon beradi.