20. Амалий машғулот сифат менежменти тизими ички аудити

Аудит мезонлари –сифат сохасидагисиёсат ва максад, процедуралар ёки ўрнатилган талабларни жамланмаси бўлиши мумкин.
Аудит мақсадларига қараб, аудит мезонлари сифатида халқаро стандартлар, ички меъёрий ҳужжатлар (ҳужжатлаштирилган процедуралар, ишчи йўриқномалар), режалар, дастурлар, шартномалар ва ташкилот сифат тизимининг бошқа ҳужжатлари қўлланилиши мумкин.
Аудит гувоҳликлари – аудит мезонлари билан боғлиқ ва текширилиши мумкин бўлган ёзувлар, фактларни баён қилиниши ёки бошқа маълумотлар (яъни, аудит мобайнида текширилган, жамланган ва асосланган маълумотлар).
Изоҳ. Аудит гувоҳликларисифатли ёки миқдорий бўлиши мумкин.
Аудит кузатувлари – аудит гувоҳликларини аудит мезонларига мувофиқ баҳоланиши натижалари.
Изоҳ. Аудит кузатувлари аудит мезонларига мувофиқлик ёки номувофиқликни, шунингдек яхшилаш имкониятларини кўрсатиши мумкин.
Аудит натижалари бўйича хулоса – аудит мақсадлари ва аудитни барча кузатувларини кўриб чиқилгандан сўнг аудиторлар гуруҳи томонидан рахбариятга тақдим қилинадиган натижавий маълумотлар.
Шундай қилиб, аудит мобайнидан йиғилган маълумот, текширилгандан сўнг аудит гувоҳлигига айланади.
Аудитни барча кузатувлари таҳлили натижалари бўйича аудит хулосаси шаклланади.
Текширилаётган ташкилот – аудит ўтказилаётган ташкилот.
Аудитор – аудит ўтказиш учун тегишли лаёқатга эга шахс.
Аудиторлар гуруҳи – аудит ўтказиш учун маълум тайёргарликдан утган бир ёки бир неча аудиторлар, аудит утказиш учун зарурият бўлганда техникавий экспертлар хам жалб кииниши мумкин.
1 изоҳ. Аудиторлар гуруҳига кирувчи аудиторлардан бири гуруҳ раҳбари қилиб тайинланади.
2 изоҳ. Аудиторлар гуруҳига тайёргарликдан ўтаётган аудиторлар (стажерлар) киритилиши мумкин.
Техникавий эксперт – текширилаётган объектга нисбатанмахсус билим ёки етарли тажрибага эга булган аудиторлар гуруҳига жалб килинган шахс.
1 изоҳ. Махсус билим ёки тажриба – текширилиши керак бўлган ташкилот, жараён ёки фаолиятга тааллуқли бўлиши мумкин.
2 изоҳ. Техникавий эксперт аудиторлар гуруҳида аудитор сифатида иш олиб бормайди.