20. Амалий машғулот сифат менежменти тизими ички аудити

6.1 Аудитларни режалаштириш.
Режалаштириш босқичида, аудит дастурини бошқариш учун жавобгар шахслар, аудит дастури мақсад ва ҳажмларини, шунингдек дастур бўйича жавобгарлик, ресурслар ва процедураларни аниқлайдилар.
Аудит дастурини мақсадлари - бу маълум бир аниқ аудитни эмас, балки корхонада утказиладиган умуман аудитларнинг мақсадларидир. Ички аудит учун аудит дастурини мақсадлари, масалан: «сифат тизимини стандарт (қонун хужжатлари)га мувофиқлигини аниқлаш» ёки «фаолиятни яхшилаш мумкин бўлган соҳаларни аниқлаш» бўлиши мумкин.
Аудит дастурини ҳажми - бу қайси жараёнлар ва бўлинмалар қачон текширилиши кераклигидир. Аудит дастурини ҳажми ташкилот жараёнларини ўлчами, типи ва мураккаблигига боғлиқ бўлади.
Текширишларни календар асосида режалаштириш мумкин, бунда маълум жараёнлар ва бўлинмалар белгиланган вақт оралиқларида текширилади.
Даврий текширишлардан ташқари қўшимча текширишларни ўтказиш зарурияти бўлиши мумкин. Қўшимча текширишларни ўтказиш заруриятлари қуйидагилардан келиб чиқиши мумкин:

• 
  аввалги аудит дастури натижаларини таҳлили;
  
• 
  маълум аудит мобайнида аниқланган номувофиқликлар бўйича жорий қилинган тўғриловчи амалларни натижавийлигини тасдиқлаш;
  

• ташкилот таркибий тузилмаси ёки фаолиятидаги аҳамиятли ўзгаришлар.
Ташкилотни қайта ташкил қилиниши, янги технологик ёки маъмурий жараёнларни, янги процедураларни жорий қилинишида, янги фаолият турлари ва усулларини белгиланган талабларга мувофиқлигини текшириш учун қўшимча текширишларни утказиш мумкинлигини кўзда тутиш керак.
Аудит дастури ҳажмини аниқлашда қуйидаги факторларни ҳисобга олиш керак:
• амалдаги дастурлар, лойиҳалар, контрактлар.
• ташқи текшириш эҳтимоли. Ташқи аудитга тайёргарлик кўриш учун навбатдан ташқари ички аудит ўтказиш мақсадга мувофиқ бўлади.
• потенциал муаммоларни кўрсатувчи, маълумотлар таҳлиллари натижалари.
Бу факторларни ўрганиб чиқиб, маълум бўлинма фаолиятини текшириш заруриятини аниклаш мумкин.