2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

39- расм. Олд томондан ҳамла қилган рақиб қўлини белига қайириш


рақиб қўлини орқа томондан ҳамла қилган тарзда белига қайириш (40- расм). Ўнг қўл билан рақибнинг ўнг қўл билаги (панжаси, енги) чангаллаб олиниб, шу заҳоти тутиб олинган қўлнинг тирсак бўғинига қарата чап қўл кафти билан пастдан юқори томон зарба берилади. Рақибнинг шу тариқа букилган қўли чап қўл тирсагининг бўғини воситасида сиқиб олиниб, гавдага маҳкам босиб олинади (40- «а» ва «б» расм). Рақиб энсасига қарата ўнг қўл билан қаттиқ зарба берилгач, сочи ёки чап елкаси устидаги кийими чангаллаб олиниб, тортилади ва танасининг вазни ўнг оёғига ўтказилади, чап оёқ рақибнинг ўнг оёғи ёнига қўйилади (40- «в» расм). Зарурат туғилса, рақиб ерга қулатилиб, қўллари боғланади (39- «г» ва «д» расм) ёки керакли жойга олиб борилади;


40- расм. Рақиб қўлини орқа томондан ҳамла қилган тарзда белига қайириш


рақибнинг узатилган қўлини ташқарига қайириш (41- расм). Рақиб қўли пастдан иккала қўл билан ушлаб олиниб, юқорига кўтариш баробарида, унинг панжаси бош бармоқлар воситасида билаги томон букилади ва айни фурсатда оёқ билан човига ёки тўғри келган жойига қарата қаттиқ зарба берилади. Рақибнинг қўли ташқи томон қайрилиб, ерга қулатилади ва оёқ билан такрор зарба берилади. Ерга қулаган рақибнинг иккала қўли белига қайрилиб, боғланади;


41- расм. Рақибнинг узатилган қўлини ташқарига қайириш


рақибнинг узатилган қўлини ичкарига қайириш (42- расм). Рақиб билагининг ташқи томони юқори қисмидан иккала қўл билан ушлаб олиниб, болдири ёки човига қарата оёқ билан қаттиқ зарба берилади ва айни фурсатда қўли қаттиқ силтаниб, танасининг мувозанатини бузган ҳолда қайрилиб, елкаси елкага келтирилади. Елка билан рақиб елкаси, қўл билан тирсак бўғини босилиб, ерга қулатилади. Шундан сўнг, қўли белига қайрилиб, устига чиқиб ўтирилади ва иккинчи қўли белига қайириб келтирилади ва маҳкам боғланади;