2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

22- расм. Рақиб зарбасини чапга қайтариш


рақиб зарбасини пастга, ўнг томонга қайтариш (23- расм). Ушбу амал ўзини мудофаа қилаётган жангчи танасининг қуйи қисмига рақиб томонидан қурол билан берилаётган зарбани қайтариш учун бажарилади. Бунинг учун чап қўл олдинга узатилганча, чапдан пастга ўнг томонга ярим айлана ҳаракат бажарилади, ўнг қўл эса ўнг томонга юқорига йўналтирилади. Зарба бериш фурсатида чап қўл бир оз букилади, автомат – ўқдони юқорига қаратилиб, найза-пичоғи ўнг тизза сатҳига келтирилиб, тутилади. Айни пайтда, ўнг тирсак кўтарилади (23- «б» расм). Зарба қайтарилган ҳамоно, рақиб танасига найза санчиб юборилади (23- «в» расм);


23- расм. Рақиб зарбасини пастга, ўнг томонга қайтариш


пиёдалар кураги билан юқоридан зарба бериш (24- «а» расм). Бундай зарба пиёдалар курагининг ён қирраси билан, уни тутган қўл бош узра юқорига кўтарилганча, олдинга қадам ташланган ёки ҳамла қилинган тарзда юқоридан пастга қарата берилади;


пиёдалар кураги билан ўнг томондан зарба бериш (24- «б» расм). Бундай зарба пиёдалар курагининг ён қирраси билан олдинга қадам ташланган ёки ҳамла қилинган тарзда ўнгдан юқорига пастга қарата берилади;
пиёдалар кураги билан қулочкашлаб зарба бериш (24- «в» расм). Бундай зарба пиёдалар курагининг ён қирраси билан, уни тутган ўнг қўл чап елка устига кўтарилганча, ортга тортилиб олдинга қадам ташланган ёки ҳамла қилинган тарзда чапдан ўнгга қарата берилади;
пиёдалар курагини санчиб юбориш (24- «г» расм). Бундай амал жангга шай ҳолатда турганча, олдинга қадам ташлаш ёки ҳамла қилиш баробарида, ўнг қўл кескин узатилиб, пиёдалар курагининг тиғи рақиб юзи ёки томоғига санчиб юборилган тарзда бажарилади;




24- расм. Пиёдалар кураги билан бериладиган зарбалар


зарбани пиёдалар кураги воситасида қайтариш. Бундай амал пиёдалар курагининг ён қирраси билан рақиб қуролига қарата зарба берган тарзда, уни ўнгга, чапга, пастга – ўнгга, юқорига қайтариш учун бажарилади. Рақиб қуроли қайтарилган ҳамоно, рақибга қарата курак билан зарба берилади;