2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

оёқ билан тўғридан зарба бериш (18- «а» расм). Бундай зарба оёқ учи, кафти ёки пойафзал пошнаси билан рақиб чови, қорин соҳаси, қуёш ўрилмаси ёхуд қовурғасига қарата берилади. Жангга шай ҳолатда туриб, оёқ билан тўғридан зарба бериш учун зарба берадиган оёқ ердан итарилади, гавда олдинга ташланади, тана вазни ерга таяниб турган оёққа ўтказилади. Айни вақтда, тиззаси букилиб юқорига, бел сатҳи баландлигига кўтарилган оёқ кескин тўғриланиб, олдинга интилган ҳамла ҳаракати давом эттирилган тарзда рақибнинг очиқ жойига зарба берилади. Зарба берилгач, оёқ худди ўша траектория бўйлаб ўз жойига қайтарилади ёки олдинга, жангга шайлик ҳолати ўзгартирилган тарзда қўйилади;


18- расм. Оёқ билан бериладиган зарбалар


оёқ билан пастдан зарба бериш (18- «б» расм). Бундай зарба оёқ учи ва тиззаси билан рақиб тиззаси, чови, қорин соҳаси, қуёш ўрилмаси ёки олдинга энгашган пайтда юзига қарата берилади. Ушбу зарба худди оёқ билан тўғридан зарба бериш амали каби берилади, лекин оёқ ҳаракати анча қисқа амплитуда бўйлаб кечади, зеро зарба яқин масофадан берилади;


19- расм. Оёқ билан берилган зарбани қўл ёрдамида қайтариш


оёқ билан берилаётган зарбани қайтариш (19- расм). Ушбу амал қовуштирилган билаклар воситасида рақиб оёғини тўхтатиш орқали бажарилади. Агар рақиб ўнг оёғи билан зарба беришга уринган бўлса, ўнг қўл билаги чап қўл билаги устига чиқарилиб қовуштирилади ва рақиб оёғининг кафти маҳкам тутиб олиниб, чап қўлнинг букилган тирсаги билан сиқиб олинганча, юқорига силтаб кўтарилади. Айни вақтда, рақибнинг ердаги товони босиб олиниб, тутиб олинган оёғи қайрилади. Шу тариқа ерга қулаган рақиб човига қарата қаттиқ тепилади.
29- машқ. Қўл жанги амалларининг умумий комплекси (2-ҚЖ).
Қўл жанги амалларининг умумий комплекси ўз ичига 1-ҚЖни ташкил этган барча амалларни мужассам этади ва қўшимча равишда қуйида баён этилган амаллардан ташкил топади.
Қурол билан бажариладиган амаллар: