2-мавзу: хозирги замон табииётшунослиги ва унинг иш услублари

6. Хужайра таoлимоти

Хужайранинг ўрганиш тарихи. Тирикликнинг хужайрасиз ва хужайравий тузилиши. Хужайранинг кўпайиши. Хромосомалар морфологияси, кариотип ва таркиби. Нуклеин кислоталарнинг тузилиши ва генетик код.

Хужайранинг ўрганилиши тарихи
Тирикликнинг хужайра назарияси XIX асрнинг энг буюк кашфиётларидан бири хисобланади. У ўз аҳамияти жиҳатидан табиий билимлар тизимида атом таoлимоти, энергияни сақланиш қонуни ва эволюцион таoлимотлар билан бир қаторда туради.
Хужайрани ўрганиш оптик асбобларни кашф этилиши билан узлий боғлиқ. «Хужайра» атамасини биринчи марта инглиз олими Роберт Гук 1665 йилда ўзи ясаган микроскопда пўкакни ўрганиб катакчалардан иборат эканлигига эoтибор берди. Хужайрани луғавий маoноси «ари уясига ўхшаш катакчалар» маoносини билдиради. М.Мальпиги 1671 йилда ўсимликларни хужайрадан тузилганлигини, А.Ливенгук 1680 йилда ҳайвон хужайраларини ўрганди. Я.Пуркинье 1830 йилда хужайра ичида суюқлик борлигини исботлади ва «протоплазма» деб атади. Инглиз олими Р.Браун 1833 йилда хужайра ядросини кашф этди.
Немис олимлари ботаник М.Шлейден ва зоолог Т.Шванлар 1838-1839 йилларда ўзидан бурунги олимларнинг хужайра ҳақидаги билимларига ва ўзларининг шахсан кузатишларига асосланиб хужайра назариясини яратдилар. Хужайра ҳамма тирик организмларнинг асосий бирлиги, хужайра тирикликнинг қурилиш ғишти асоси.
Хужайра организмларнинг ўсиш ва ривожланиш тизимини таoминлайди.
Немис врачи Р.Вирхов хужайра назариясини бойитиб хузжайрани бўлиниш йўли билан кўпайишини исботлади. Хужайра хужайрадан ҳосил бўлади деган иборани лигари сурди.
Кейинги олиб борилган илмий тадқиқотларни жами тирик орагнизмлар бактерия, ўсимлик ва ҳайвонлар хужайрадан тузхилганлигини исботлади.
Хужайра ҳозирги замон тушунчаси бўйича тирикликнинг тузилиши, функцияси ва ривожланишининг энг кичик бирлиги. Кўп хужайрали организмларда умумий модда алмашинув сатхини кенгайтиради. Кўп хужайрали организмларда ихтисослашган хужайралар бирлашиб тўқималарни ҳосил қилади. Масалан нерв, қопловчи, бириктирувчи ва бошқа тўқималар.
Тирикликнинг хужайравий тузилиши кўпайиш, ривожланиш, ирсий ахборот сақлаш ва уни авлодларга ўтишини таoминлайди.