2 I. Bob. Yuqori sinf о‘quvchilariga gandbol darslarini о‘tkazish

Darsning tayyorgarlik qismida alohida ta’lim-tarbiya vazifalari hal etiladi: saflanishga о‘rgatish, buyruqlarni aniq bajarish, tо‘g‘ri qad- qomatni tarbiyalash, shaxsiy intizomni namoyish qilish va boshqarish. Buning uchun turli xil harakatlar bajariladi: bitta (yoki, ikkita burchak bо‘lib, juft bо‘lib) qatorlarga saflanish, raport topshirish (sinf boshlig‘i, sardori tomonidan), о‘quvchilarni kо‘zdan kechirish, nazariy ma’lumotlarni habar qilish va h.k. biroq darslar qolipda bо‘lmasligi lozim: masalan, diqqatga qaratilgan mashqlarni faqat о‘quvchilar jiddiy shug‘illanishga tayyor bо‘lgan paytlarida berish zarur.
Darsdagi birinchi harakatlar о‘z yuklamasiga kо‘ra yengil bо‘lishi kerak, ularga oldindan tayyorgarlik kо‘rish shart emas. Bu yurish, sekin yugurish (tо‘g‘riga, ilon izi shaklida, oldinga yonlamacha va orqa bilan), sakrashlar, umumiy rivojlantiruvchi mashqlar hamda avvalgi darslarda egallangan boshqa harakatlar. Darsning tayyorgarlik qismi koordinatsiyasi, dinamikasi hamda yuklamasi bо‘yicha uning asosiy qismi oldida turgan harakatlarga о‘xshash bо‘lgan mashqlar bilan yakunlanadi.
Darsning asosiy qismida (kamida 35 min) optimal ish qobiliyati sharoitlarida eng murakkab о‘quv tarbiyaviy vazifalar hal etiladi (kо‘pi bilan 3-4 ta). Bu qismning boshida katta koordinatsion murakkablikni talab qiladigan mashqlar о‘tkaziladi: aldash harakatlari, fintlar, darvozaga turlicha zarbalar berish, taktik kombinatsiyalar va о‘zaro munosabatlar bilan tanishish, ularni о‘rganish, takomillashtirish.
Ma’lum bir jismoniy sifatlarning rivojlanishiga ta’sir qiluvchi mashqlar odatda quyidagi ketma-ketlikda о‘tkaziladi: kuch, tezkorlik, chidamlilikni rivojlantirish.
О‘quvchilarning umumiy ish qobiliyatini tarbiyalash maqsadida bu ketma-ketlikni о‘zgartirish mumkin. Agar darsning asosiy qismida turli xil dastlabki tayyorgarlikni (tezkorlik tayyorgarligi, zarba berish texnikasini mukammal о‘rganish, taktik kombinatsiyalar va h.k.) talab qiladigan vazifalarni hal etish rejalashtirilgan bо‘lsa, darsning har bir bо‘limi oldidan о‘zining tayyorgarlik ishlari о‘tkazilishi lozim. Masalan, start tezligini hosil qilish uchun boldir bо‘g‘imlari mushaklari va boylamalarni ishga solish; zarba berish uchun yelka mushaklarini mashqlantirish; yiqilishlar bilan bajariladigan harakatlarni mukammal о‘rganish uchun umumiy tartibdagi akrobatika mashqlari о‘tkaziladi.