2 I. Bob. Yuqori sinf о‘quvchilariga gandbol darslarini о‘tkazish

Tо‘pni yerga urib yurish. Tо‘pni yerga urib yurish texnikasini tо‘g‘ri tasavvur qilishga oid tushuntirish va kо‘rsatishdan sо‘ng shug‘ullanuvchilar bir joyda turganlaricha tо‘pni yuqoriga sapchitib, yerga urib о‘ynaydilar. Bunda panjaning tо‘p ustiga tо‘g‘ri joylashishiga, qо‘lning harakatiga, tо‘pning maydonga tegadigan joyiga katta e’tibor beriladi. Shundan sо‘ng qо‘llarning harakatlari oyoqlarning harakatlari bilan uyg‘unlashtiriladi. Bu usullar yurish va tо‘g‘ri chiziq bо‘ylab har xil tezlikda yugurish paytida bajariladi. Bunda gandbolchining о‘z turish holatini qanday saqlay olishiga va harakat tezligiga qarab tо‘pning yerdan sapchish burchagini о‘zgartira olishga katta e’tibor beriladi. Yoysimon doira chiziqlari bо‘ylab va yо‘nalishni о‘zgartirib, tо‘pni yerga urib yurish mashqlarini qо‘llash yaxshi natija beradi. Bu mashqlar shug‘ullanuvchilarda tо‘pni boshqarish qobiliyatini о‘stiradi.
Dastlabki kunlardanoq tо‘pga qaramasdan uni yerga urib yurishga ahamiyat berish kerak. Buning uchun kо‘pchilik mashqlarning bajarilishida shug‘ullanuvchini о‘qituvchining, о‘z sherigining, raqibning signalini yoki maydondagi vaziyatning о‘zgarishini kuzatishga majbur qiladigan sharoitlar yaratiladi.
Tо‘pni past sapchitib yerga urib yurish, tо‘pni yerga urib yurishga о‘tilganda uni raqibdan pana qilish, bir qо‘ldan ikkinchisiga orqadan uzatish, yuqori tezlikda sur’atni va yerdan sapchish balandligini о‘zgartirish, burilishlar hamda orqa bilan harakat qilib tо‘pni yerga urib yurishlar keyinroq о‘rganiladi.
Tо‘pni panja bilan boshqarishga, oyoqlarning erkin ishlashiga va usullarning о‘yin vaziyatiga mos bо‘lishiga katta e’tibor beriladi.


Namunaviy mashqlar
1. Oldinga, yon tomonga, orqa bilan oldinga tо‘pni yerga urib harakat qilish.
2. Shularning xammasini yugurgan holatda bajarish.
3. Ilonizisimon yо‘nalishda har xil tо‘siqlarni aylanib tо‘pni yerga urib yurish.
4. Har xil tо‘siqlardfn xatlab tо‘pni yerga urib olib yurish.
5. Har xil tezlikda yugurib, tо‘xtab va yana tezlanib tо‘pni yerga urib olib yurish
6. Yо‘nalishlarini о‘zgartirib (90⁰, 180⁰, 360⁰) tо‘pni yerga urib olib yurish.
7. 6-9 metrli chiziqlarga tо‘g‘ri tekkazib chiziq bо‘ylab tо‘pni yerga urib olib yurish.
8. О‘ng va chap qо‘llarda galma-gal tо‘pni yerga urib olib yurish.
9.Bir vaqtda ikki tо‘pni yerga urib olib yurish.
10.Tо‘pni yerga urib olib yurib har xil estafetalarni bajarish.
11. Bir о‘yinchi tо‘pni yerga urib olib yuradi, ikkinchi о‘yinchi tо‘pni olib qо‘yishga harakat qiladi.
12. Ikki о‘yinchi bittadan tо‘pni yerga urib olib yuradi, uchinchi tо‘pni oyoqlari bilan bir-biriga uzatadi.