2 Халқаро илмий-амалий конференция материаллари. Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларни малакасини ошириш институти, 2020 йил, 424 бет

Биринчидан,
умумназарий жиҳатдан ёндашилганда умуминсоний қадриятларни ўйинлар 
орқали болалар онгига сингишига эришиш. 
Иккинчидан,
мактабгача таълим педагогикаси соҳасида эришилган ютуқларга таянган ҳолда 
болаларда эзгу мақсадларни камол топтириш. 
Учинчидан,
мактабгача таълимда кутилган натижаларга эришиш учун янги таълим 
технологияларидан мақсадли фойдаланиш лозим.
Тўртинчидан,
ўзбек халқининг қадимий ёзма ва оғаки намуналари билан таништириш 
жараёнида уларнинг тарихий негизларини ўрганишга мос ўйин технологияларни қўллаш орқали
Ватанга муҳаббат туйғуларини тарбиялаш зарур. 
Шуни алоҳида таъкидлаш лозимки, педагогикада ўқитишни бир қолипга солиб қўймаслик доим 
уқтириб келинади. Чунки бу болаларнинг онг ва тафаккурига салбий таъсир кўрсатади. Ваҳоланки, 
болаларда фикр ва қарашлар хилма-хиллигига эришиш ўқитишдан кўзланган асосий мақсаддир. 
Юртбошимиз таъкидлаганларидек, болаларда эркин ва мустақил фикрлашни шакллантиришда 
янгича таълим тамойилларига таяниш лозим. 
Шунинг учун ҳам замонавий педагогик технологияларни таълимий ўйин фаолияти жараёнига 
мушоҳадали тарзда ёндашишда ўрта даражада формал мантиққа таяниш эмас балки, ҳар бир 
педагог-тарбиячи боланинг хаёл олами ва унинг ривожланиши билан боғлиқ омилларни ҳам 
чуқуқр билиши, бола фаолиятидаги ютуқ ҳамда камчиликларни теран англаши, таҳлил этиши 
талаб этилади. 
Шуни унутмаслик керакки, мактабгача таълим тизимида “мақсад ва вазифаларни амалга 
ошириш учун мактабгача педагогика ва психологиясига оид манба ва материалларнинг ўзи камлик 
қилади. Бу ердаги энг асосий ҳолат педагог-тарбиячи ва бола ҳамкорлигига боғлиқ”. Педагогик 
инновациялар таълимий ўйин фаолиятида энг замонавий технология ва усулларга таянилса, 

---

398 
шунингдек, педагогик жараёндаги барча болаларнинг тўла фаоллиги таъминлансагина тегишли 
самара беради. Акс ҳолда ҳеч қандай ижобий натижага эришиш мумкин бўлмайди.
 
Мактабгача таълим тизимининг вазифаларидан яна бир муҳим жиҳати теварак оламни теран 
таҳлил этиш йўли билан болаларнинг руҳий-маънавий, эстетик оламини янада бойитишдир. 
МТМдаги машғулотлар болаларда миллий онг ва тафаккурни, инсонпарварлик туйғуларинини, 
мустаҳкам ирода ва соғлом фикрни, ижодкорликни камол топтириш методларини ишлаб чиқиш ва 
амалиётга татбиқ қилишдир. 
Боланинг билиш компетенциясининг ривожланишида теварак-атрофни кузатиш ва идрок этиш 
муҳим аҳамият касб этади. Бу жараёнга инновацион ёндашиш биринчи галда ҳеч қандай тайзиқсиз 
болаларда фаол, мустақил фикрлашни шакллантириш орқали ўзлигини англаш, маънавиятини 
камол топтириш сингари вазифаларни ижобий ҳал қилиш имконини яратади.
МТМ машғулотларида тайзиқни рад этишдан иккинчи мақсад, бола ва педагог-тарбиячи 
ҳамкорлигини таъминлаш ва такомиллаштириш, улар томонидан бериладиган ҳар қандай 
саволларга хушмуомалалик билан жавоб бериш лозимлигидир. Бундай мулоқот натижасида ҳар 
икки томонда ҳам фикрлар эркинлиги вужудга келади, бу эса ўз навбатида болаларда билим 
олишга интилишни кучайтиради, тадқиқотчилик, изланувчанлик ва китобхонликни тарбиялайди.