2-боб биомембранология

2.2. Моддаларни мембрана орқали ташилиши

Мембраналарнинг асосий вазифаси – моддаларни ўтказилишини бошқаришдир. Ҳужайра мембранаси орқали бир ва шу билан бир вақтда икки томонлама йўналишда юзлаб турли ҳилдаги моддалар ўтади. Плазматик мембрана ҳужайрага зарур бўлган моддани ўтказиши ва ушлаб туриши ҳамда кераксиз бўлган моддалардан диффузия усули билан озод бўлиши керак. Моддаларни ўтказиш концентрация градиенти (мембрананинг бир томонидаги концентрация бошқа томондаги концентрацияга нисбатан кўп) мавжуд бўлгандагина амалга ошади ва бу холат мембрананинг ҳар икки томонида модданинг бир хил концентрацияга эришилгунча давом этиб бораверади. Диффузиянинг икки хил типи мавжуд: пассив ва актив (9-расм).

9-расм. Диффузиянинг типлари ва турлари

Моддаларнинг диффузия тезлиги молекулаларнинг ўлчами ва уларнинг ёғда эрувчанлигига боғлиқ (4-жадвал).
4-жадвал.
Мембраналар орқали моддаларни ўтказишни биологик аҳамияти

Концентрация градиенти бўйича моддалар диффузияси, ўз ўзидан кетувчи жараён
Концентрация кам бўлган томонга, тескари йўналишга нисбатан диффузия тезлиги кўпроқ бўлади
Оддий диффузия (10-расм)	Кичик (қутбланмаган) органик молекулаларни (стероидлар ва тиреоид гормонлари, ёғ кислоталари, бензол, глицерол); кичик қутбланган зарядланмаган молекулаларни (этанол, мочевина, О2, N2, СО2, NН3, Н2О) ўтказади.	Махсус ўтказувчиларни талаб этмайди (қандайдир механизмларнинг иштирокисиз диффузияни амалга оширади).
Енгиллаштирилган диффузия (10-расм)	Гидрофиль моддалар диффузиясини мембранани гидрофоб қавати орқали ўтишини енгиллаштиради.
	Катта қутбланган зарядланмаган молекулаларни (глюкоза, аденил нуклеотидлар, К^+, Са^2+ва бошқалар) ўтказади.	Махсус ўтказувчиларни** ёки оқсил структурали каналларни талаб этади (транслоказа, пермеаза каби ҳар икки йўналишда модда ўтказувчилари; Nа^+, Са^2+-насоси; валиномицин ва бошқалар).
	Н^+, пируват ва бошқалар	Пассив симпорт – ионларни бир томонга ўтказилиши.
	Сl^-, НСО^-3 ва бошқалар.	Пассив антипорт –ионларни қарама-қарши йўналишда ўтказилиши.