2-боб биомембранология

1-жадвал.
Ҳужайра мембраналарининг турлари ва уларнинг бажарадиган вазифалари

Субҳужайравий структуралар мембраналари	Биологик аҳамияти
Плазматик мембрана	Ҳужайралараро ўзаро ҳаракатни, ташқи муҳитдан ҳужайрага ва тескари йўналишда моддаларни ўтказишни, электр қўзғалувчанликни, рецепторлар ёрдамида (гормонлар ва бошқалар) бошқарувчи молекулалар билан биргаликда ҳужайралар метаболизми бошқарилувини таъминлайди.
Митохондриал мембрана	Мембраналараро бўшлиқ билан ажралган ташқи ва ички мембраналарни хосил қилади. Ички мембрана электрон ташувчи ферментларни сақлаб, оксидланишли-фосфорилланиш жараёнида иштирок этади.
Ядро мембранаси	Ҳужайра ядросини ўраб туради, ҳамда 2 мембрана қавати – ташқи ва ички қаватларни хосил қилади. Цитоплазмадан ядрога кирувчи бошқарувчи оқсилларни ҳамда РНК ни ядродан цитоплазмага ўтказувчи пораларга (тешикларга) эга.
Эндоплазматик ретикулум	Фосфолипидлар ва стероидлар, секретор, лизосомал ва мембрана оқсиллари синтези, метаболитлар ҳамда ёт моддаларнинг микросомал оксидланишини таъминлайди.
Гольджи аппарати мембранаси	Плазматик мембрана ёки лизосомаларга етказиб берилиши ҳамда секреция учун мўлжалланган оқсилларнинг посттрансляцион модификациясида иштирок этади.
Лизосомалар мембранаси	Ҳужайра компонентлари ва молекулалар деградацияси учун жавобгар бўлган гидролитик ферментлар (липаза, протеаза) фаоллиги учун зарур бўлган нордон муҳитни (рН=5,0) ушлаб туришни таъминлайди.