2. 1-§. Тошкент вилоятининг географик жойлашиши рельефи, табиий иқлими ва тупроқ хусусиятларининг тавсифи

2.1-расм. Тадқиқот йилларида Тошкент шаҳри ва вилоятининг ўртача ойлик ҳарорати кўрсаткичлари, ^оС (2016–2019 йй).
Ҳаво ҳарорати йилнинг июнь ойидан то ноябрь ойигача иссиқ ва қуруқ бўлади. Ҳаво ҳароратининг кескин тушиши сентябр ойининг иккинчи ўн кунлигидан бошланади, биринчи ўн кунликда ўртача 23^оС, иккинчисида 21,4^°С. Шундан сўнг ҳаво ҳарорати аста - секин пасайиб боради ва ноябрь охирида ўртача 11⁰С гача тушади.
Энг кўп ёғингарчилик март ва ноябрь ойларида кузатилади. Ёғингарчилигининг энг кам миқдори асосан ёз ойларига тўғри келади.
Октябрь ойининг биринчи ярмида ҳам ёғингарчилик кам кузатилади. Ойнинг иккинчи ярмидан бошлаб барқарор ёғин ёға бошлаши кузатилади. Ушбу ойнинг учинчи ўн кунлигидан бошлаб кўп ёғингарчилик тушиши кузатилади ва ўртача 39,5 мм ни ташкил этади (2.2-расмга қаранг).
Атмосфера ёғингарчилиги миқдори билан бир қаторда ёғинли кунлар сони ҳам катта аҳамиятга эгадир (2.3-расмга қаранг).
2.2-расм. Тадқиқот йилларида Тошкент шаҳри ва вилоятининг ўртача ойлик ёғингарчилик кўрсаткичи, мм (2021й).

2.3-расм. Тадқиқот йилларида Тошкент шаҳри ва вилоятининг ўртача ойлик ёғинли кунлар кўрсаткичи, (2021й).
Ҳавонинг нисбий намлиги бутун тадқиқот даври мобайнида кўп йиллик ўртачадан юқори бўлди. У ёғингарчилик кузатилган даврларда юқори бўлди.
Шамол тезлиги манзарали дарахтларни етиштиришда кўп ҳолларда салбий таъсир кўрсатади. Бунда баҳор ўрталарида эсувчи кучли шамол янги экилган ёш ниҳолларни жойидан кўчириб юбориши ва натижада кўплаб манзарали дарахтларнинг манзаралилик хусусиятини йўқотилиши кузатилади. Чунки ривожланишнинг дастлабки босқичларида ниҳоллар ҳали кучсиз бўлади. Тадқиқот йилларида шамол тезлиги қуйидагича бўлди (2.4-расмга қаранг).

2.4-расм. Тадқиқот йилларида Тошкент шаҳри ва вилоятининг ўртача ойлик шамол тезлиги кўрсаткичи, м/сония (2021й).
Қуёш соатлари ўсимликнинг ривожланишига катта аҳамиятга эга. Тажриба олиб борилган йилларда ҳар ойда кунлик ўртача қуёшли соатлар миқдори қуйидагича бўлди 2.5-расм.