2. 1-§. Тошкент вилоятининг географик жойлашиши рельефи, табиий иқлими ва тупроқ хусусиятларининг тавсифи

Касалликларнинг ривожлани даражаси, хўжайин ўсимликлар шикастланиши, уларда касалликнинг зарари ҳамда кўчатлар сонининг камайиш миқдорини аниқлашда А.Е.Чумаков, Т.И.Захарова, И.И.Минкевич, Ю.И.Власов, Е.А.Гаврилова, Л.Л.Великанов, И.И.Сидорова, Г.Д.Успенскаяларнинг усулларидан фойдаландик [110; 126-б., 13; 191-б., 24; 112-б.].
Касалликларнинг тарқалиши ва ривожланиш даражаларини аниқлаш учун касаллик ўсимликларда пайдо бўлишидан вегетация даврининг охиригача текшириб бордик. Бунинг учун 100 та ўсимлик ичидан 10 та касаллик белгиларига аҳамият берганмиз.
Касалланиш даражасини ҳисоблашда асосий кўрсаткич сифатида касаллик тарқалиши ва касалланган ўсимликларнинг миқдори ёки касалланган аъзоларининг кўрсаткичларини ВИЗР қўлланмаси бўйича ҳисобладик [97; 222-223-б.].
Касаллик қўзғатувчи замбуруғ турларининг зарар етказиш даражасини аниқлаш учун ўсимликларнинг зарарланиш даражасининг 4 баллик шкаласидан фойдаланилди.
1 балл–10% ўсимлик касалланган, уларнинг вегетатив аъзолари кучсиз касалланган;
2 балл–11–25% ўсимлик касалланган;
3 балл–26–50% ўсимлик касалланган, таъсирланиши ўртача, айрим аъзолари кучли даражада касалланган;
4 балл–50% дан ортиқ ўсимликлар касалланган, аъзолари кучли зарарланган, ўсимликларнинг нобуд бўлиш эҳтимоли бор.
Майдонининг катта - кичиклигига қараб ўсимлик намуналарини майдоннинг иккита томон билан диагонали бўйича текширдик. Масалан, ҳар 50 метрдан кейин 10 дона ўсимликни текшириб кўрилди, бу пробалардан зарарланиши ва тарқалиши аниқланди, қанча ўсимлик зарарланган ва қанча ўсимлик соғлом эканлиги аниқландик.
Уруғлардаги устки ва ички замбуруғ турларини аниқлашда И.А.Дудка, Вассер, И.А.Элланская, Э.З.Коваль, М.К.Хохряков, А.Степанов ва бошқалар усулидан фойдаландик [9; 549-б., 48; 430-б.].
Касалликларнинг манзарали дарахтларга етказадиган зарарини аниқлаш. Касалликларнинг манзарали дарахтларга етказган зарарини аниқлашда А.Е.Чумаков, И.И.Минкеевич, Ю.И.Власов, Е.А.Гаврилова методикаларидан фойдаландик.
Касалликларнинг ривожланиш даражасини ҳисоблашда Анпилогова формуласи қўлланилди, бунда зарарланган барг фоизи қуйидагича;
0–балл зарарланмаган;
1–балл ўсимликнинг 1/5 қисми ёки 10% юзаси;
2–балл ўсимликнинг 1/3 қисми ёки 25% барг юзаси;
3–балл ўсимликнинг 2/3 қисми ёки 50% гача барг юзаси;
4–балл ўсимликнинг 2/3 қисмидан юқори ёки 50% дан юқори барг юзаси.
4 балли шкала асосида қуйидаги формулада ҳисобланди [24; 12].
R=∑(AB1+АВ2+АВ3+АВ4)/К
Бунда, R–касалликнинг ривожланиш даражаси;
А–ўсимликлар сони; B1; В2; В3; В4–1 дан 4 гача балллар;
∑(AB)–ўсимлик сонига мос ҳолда балл йиғиндиси;
К–зарарланиш даражаси юқори ҳисоб балл.
Фунгицидларни самарадорлигини синаш бўйича услубий кўрсатмалар [96; 80-б.]. «Методических указаний...» Госхимкомиссии РУз усулларидан фойдаландик,
Фунгицидларнинг касалликларга қарши биологик самарадорлиги қуйидаги формула билан аниқланди: