1.Ўзбекистон тарихи фанининг предмети, назарий – методологик асослари, манбалари ва аҳамияти

81.Хива хонлиги ва Россия муносабатлари (XVIII XIX асрнинг биринчи ярми).
Xiva — Rossiya munosabatlarida muhim jihat shunda ediki, o'zaro savdodan har ikkala davlat ham birdek manfaatdor edi. Xiva savdogarlari uchun Rossiyaga boradigan savdo yo llari xavfsiz edi. Shunmgdek, Xiva xonligida Rossiya zavod va fabrikalari ishlab chiqargan tayyor iste’mol tovarlariga ehtiyoj baland edi. Ayni paytda, Rossiya Xiva xonligiga o'z tovarlarini sotadigan bozor deb qarar edi. Rossiya tovarlari Yevropaning ilg'or davlatlari tovarlari bilan raqobat qila olmayotgan bir davrda bu juda muhim edi. Ikkinchidan Xiva xonligi, Rossiya sanoati uchun zarur xomashyo mahsulotlarini arzon narxlarda yetkazib beruvchi o'lka ham hisoblanardi. Biroq har ikki davlat o'rtasida yaxshi qo'shmachilik munosabatlarining qaror topishiga to'sqinlik qilgan omillar ham mavjud bo'lgan. Bular: savdo karvonlariga hujum qilish xavfining mavjudligi, har ikki taraf tomonidan Kichik juz qozoqlarini va qoraqalpoqlarini o’z fuqarolari deb hisoblashlari; shuningdek, har ikki tomonning o'zaro savdodan olinadigan boj hajmi masalasida uzoq vaqt bir to'xtamga kela olmaganliklari bilan bog'liq edi. Rossiya podshosi — 1819-yilda Xivaga armiya zobiti N. Muravyov boshchiligida ekspeditsiya jo'natdi. Bundan maqsad turkmanlar yen, Xiva xonligining ular bilan aloqasi, Kaspiy dengizining sharqiy qirg'og'ida harbiy istehkom qurish va Xiva turkmanlar yeri — Boku-Astraxan savdo yo’lini ochish hamda bu yo'lning istiqbolini o'rganish edi. Ekspeditsiya dastlab turkmanlarning yovmit qabilasi joylashgan hududda bo'ldi. Ularni Rossiya fuqaroligiga o'tkazish masalasiga doir munosabatlarni o'rgandi. Shundan so'ng Muravyov Xivada --- Rahimxon qabulida bo’ldi. Xon N. Muravyovning Rossiya bilan do'stlik munosabatlarida bo'lish taklifini ma'qulladi, biroq savdo yo'lining.o'zlashtirilishiga rozi bo'lmadi. Chunki Muhammad Rahimxon Rossiyaning yovmut qabilasini o'z fuqaroligiga qabul qilish istagi tagida aslida nima yotishini anglab yetgan edi. Bundan tashqari, Rossiya hukumatining savdo karvonlari xavfsizligini ta'minlash bahonasida chegarada mustahkam istehkomlar qurish haqidagi rejalari Xiva hukmron doiralarini cho'chitib ham qo'ygan edi. Xiva—Rossiya munosabatlari keskinlashgan bir sharoitda Muhammad Rahimxon I vafot etdi. Taxtga o'g'li Olloqulixon o’tirdi. U Xiva—Rossiya munosabatlaridagi keskinlikni
yumshatishga urindi.