16-ma‘ruza. Elektr himoya vositalarining turlari, ularga qo‘yiladigan talablar va foydalanish qoidalari reja: 1

4. Shaxsiy ekranlovchi to‘plamlar (komplektlar)
Shaxsiy ekranlovchi to‘plamlar, xodimlarni 50 Gs chastotali kuchlanishi 500 kV bo‘lgan elektr uskunalari yuzaga keltiradigan, kuchlanganligi 60 kV/m gacha bo‘lgan elektr maydoni ta‘siridan shaxsiy himoya qilish uchun mo‘ljallangan. Kuchlanish ostida bo‘lgan tok o‘tkazuvchi qismlarga tegish mumkin bo‘lgan hollarda, ya‘ni panellarda, elektr yuritmalarda, ishlab turgan yig‘malarda va 1000 V kuchlanishgacha bo‘lgan zanjirlarda ishlashda, elektr asbob-uskunalarni oldini olish (profilaktik) sinovida (bevosita sinov o‘tkazayotgan shaxslar uchun), elektr payvand-lash ishlarida shaxsiy ekranlovchi to‘plamlardan foydalanish man qilinadi. Havo harorati 42°S dan yuqori bo‘lganda ekranlovchi to‘plamlarni ishlatish tavsiya qilin-maydi. Bunday hollarda statsionar yoki ko‘chma ekranlovchi uskunalarni ishlatish maqsadga muvofiqdir. Ekranlovchi to‘plamlarga maxsus ish kiyimi, poyafzal, qo‘l va boshni himoya qiluvchi vositalar, yuzni himoya kiluvchi ekran (kerak bo‘lgan taqdirda), strubsinali yerga ulagich simlari kiradi.
Ekranlovchi to‘plamlar uch xilda tayyorlanadi:
- EPR podstansiya va havo elektr uzatish tarmoqlarini ta‘mirlash ishchilari uchun (yozgi);
- EPX podstansiyaning navbatchi ishchilari uchun (yozgi);
- EPZ havo elektr uzatish tarmoqlarini ta‘mirlovchi ishchilar uchun (qishki).
EPR ekranlovchi to‘plamga: kapyushonli kurtka va yarim kombinezon, elektr o‘tkazuvchi qoplamali kaska yoki uning ustidan kiyiladigan elektr o‘tkazuvchi toladan to‘qilgan jild, elektr o‘tkazuvchi tagi charmli poyafzal, elektr o‘tkazuvchi rezinadan tayyorlangan rezinali etik, elektr o‘tkazuvchi qo‘lqop (ikki juft), strubsinali yerga ulagich simlari kiradi.
EPX ekran to‘plami EPR to‘plamiga o‘xshash bo‘lib, ekranlovchi ish kiyimi bilan farq qiladi (kurtka, yarim kombinezon o‘rniga elektr o‘tkazuvchi toladan tayyorlangan kapyushonli xalat ishlatiladi).
EPZ ekranlovchi to‘plam tarkibiga: kapyushonli kurtka va issiq astarli shim, elektr o‘tkazuvchi qoplamali yoki jildli kaska, kigiz etik ustidan kiyish uchun elektr o‘tkazuvchan rezinali kalish, elektr o‘tkazuvchan rezinadan tayyorlangan rezinali etiklar, elektr o‘tkazuvchi qo‘lqoplar yoki yengli qo‘lqoplar, strubsinali yerga ulagich simlari kiradi (38-rasm).
Yilning sovuq vaqtlarida EPR va EPX yozgi ekranlovchi to‘plamlarni qishki umumiy foydalaniladigan ishchi kiyim ustidan kiyib ishlatish mumkin.