16-ma‘ruza. Elektr himoya vositalarining turlari, ularga qo‘yiladigan talablar va foydalanish qoidalari reja: 1

6-poshnali toko‘tkazuvchini chiqishi

Har bir ekranlovchi to‘plam inventar raqami bilan belgilangan bo‘lishi zarur. Ekranlovchi to‘plamlarni ishlatish, «Shaxsiy ekranlovchi to‘plamlarni ishlatish yo‘riqnomasi» talablari asosida olib borilishi lozim.

EPR va EPZ ekranlovchi to‘plamlari, shaxsiy foydalanish uchun berilishi va shaxsan ishchilarga biriktirilishi lozim.
EPX ekranlovchi to‘plamlari umumiy foydalanishga mo‘ljallangan bo‘lishi mumkin, lekin to‘plamga kiruvchi maxsus oyoq kiyimlar esa, alohida har bir ishchiga biriktirilgan bo‘lishi zarur.
Ekranlovchi to‘plamlar havo harorati 2°S dan 30°S gacha, namligi 80 foizdan oshmagan, quruq isitiladigan xonalardagi maxsus javonlarda saqlanishi kerak.
Ekranlovchi kiyimlar ilgaklarda, oyoq kiyimlar va kaskalar esa, taxta tokcha-larda saqlanishi zarur.
To‘plamlarni kontaktlar chiqishlari orqali ko‘tarib yurish va osib qo‘yish man qilinadi.
Maxsus kiyim va poyafzallarni muntazam ravishda tozalab, o‘z vaqtida ta‘mirlab turish lozim.
Ekranlovchi to‘plamdagi maxsus kiyim elementlarini, elektr o‘tkazuvchanligini tiklash va tashqi ko‘rinishini yaxshilash uchun (kurtka, shim, xalat, chuntaklardagi so‘kilgan choklarni hamda yirtilgan joylarni yo‘qotish va kontaktli chiqarishlarni tiklash), shuningdek, kaska jildi va ekranlovchi qo‘lqoplarni ta‘mirlashga ijozat beriladi.
Ta‘mirlash jarayonida elektr o‘tkazuvchi gazlamani elektr o‘tkazmaydigan gazlama bilan almashtirish man qilinadi.
Ekranlovchi poyafzalni elektr o‘tkazuvchanligini tiklash maqsadida ta‘mirlash man qilinadi.
Faqat uning tashqi ko‘rinishini yaxshilash uchun ta‘mirlash ishlariga (tag-charmni qoqish, so‘kilgan choklarni tikish va boshqa) ruxsat etiladi.
Ekranlovchi to‘plam bilan yomg‘ir paytida plashsiz yoki ivib ketishga qarshi boshqa himoya vositasiz ishlash man qilinadi.
Ivigan maxsus ishchi kiyimni siqib quritish man qilinadi, ularni ilgakga osib quritish zarur.