14-мавзу. Гастрономия туризмини ривожлантириш истиқболлари

Тухум барак (хоразмча таом)

Download 0,73 Mb. bet 8/9 Sana 24.02.2022 Hajmi 0,73 Mb. #189904

Bog'liq
14-мавзу

Тухум барак (хоразмча таом)	Юртимизнинг Хоразм, Бухоро ва Навойи вилоятларида тайёрланади.
Тухум барак асосан Хоразм, Бухоро ва Навойи вилоятларида тайёрланадиган таом бўлиб, миллий ошхонамизда қадимийлигига ва муҳлисига эга бўлган қувват бағишловчи мазали таомлардан ҳисобланади.

2019 йил 6 август куни Ўзбекистон Гастрономик туризм уюшмаси ташкил этилди. Уюшма фаолиятини йўлга қўйишдан мақсад гастрономик туризм йўналишида турли тадбирлар, жумладан кўргазма, фестиваль, форум, семинар, илмий анжуман, давра суҳбати, танлов ва шу каби бошқа тадбирларни ташкил этиш, ассоциация қошида халқаро грантлар ҳомийлигида ўзбек миллий кулинарияси тарихи, бугуни ва келажаги бўйича гастрономик туризм тарқаққиёти учун хизмат қилувчи турли лойиҳаларни амалга оширишдан иборатдир.
Уюшма Ўзбекистонда сайёҳлик мавсумини узайтириш мақсадида ҳар йилнинг ноябрь ойида мунтазам равишда “Лаззатли Ўзбекистон” халқаро миллий таомлар фестивалига мезбонлик қилади, фестивалга халқаро туристик агентликларини мунтазам жалб этиб боради ва тадбир доирасида Ўзбекистон бўйлаб ҳудудий гастрономик турларни ташкил этади.
Кейинги йилларда хорижий мамлакатларда ўзбек ресторанларининг сони ошиб бормоқда. Биргина Москва шаҳрида 300 ортиқ ресторанда ўзбек ошхонаси мавжуд. Нью-Йорк, Берлин, Франкфурт, Лондон, Лос-Анжелос, Дубай, Пекин, Сеул, Санкт-Петербург, Рига, Истанбул ва бошқа йирик шаҳарларда ҳам фаолият юритиши миллий таомларимизга қизиқиш катта эканидан далолат.
“Ўзбек палови” ЮНEСКОнинг рўйхатидан жой олгани, 2018 йили “Ўзбегим” миллий қадриятлар фестивалида 8 тонналик ўзбек паловининг Гиннеснинг рекордлар китобига киритилиши ҳам миллионлаб одамларнинг Ўзбекистонга саёҳат қилиш ва таомларга бўлган қизиқишини оширди.
Туризмни ривожлантириш давлат қўмитаси ва Тошкент шаҳар ҳокимлиги ҳамкорлигида 2019 йил 9-11 август кунлари Тошкент шаҳрида “Гастро Базар-2019” I - Халқаро гастрономик фестивали ўтказилди. Унда юртимизнинг машҳур ресторанлари, қаҳвахоналари, тамаддихоналари билан бир қаторда хорижий давлат ошпазлари ҳам иштирок этишди.





National Geographic Traveler журнали томонидан 2018 йилда Россия ҳудудида ташкил қилинган танловда Ўзбекистон биринчи ўринни эгаллади.
“Гастрономик туризм” йўналиши бўйича бўлиб ўтган овоз бериш жараёнида жами овозларнинг 34 % Ўзбекистонга берилди, Италия – 21 % овоз жамлаб иккинчи ўринни эгаллади, Озарбайжон 17% овоз билан учинчи ўринни, Франция
13 % овоз билан тўртинчи.
Юқоридаги рақамлардан кўриниб турибдики, Ўзбекистон ўз рақибларидан бир неча баробар ўзиб кетган. Иккинчидан айнан Россияда Ўзбекистон гастрономик сайёҳлик йўналиши сифатида юқори қадрланади.

Хулоса

Гастрономик туризм бу — мамлакат билан унинг гастрономияси, маҳаллий ошхонаси ва пазандалик маҳорат дарслари орқали танишиш учун саёҳат ва гастрономик турлардир.

Ўзбекистон – гастрономик туризм учун энг мос ва мақбул мамлакатдир. Ўзбек миллий ошхонаси, шубҳасиз, Шарқнинг ранг-баранг ва энг бойларидан бири ҳисобланади. Айрим ўзбек таомлари бир неча асрлик тарихга эга. Ўзбекистон бўйлаб гастрономик саёҳат, мамлакатнинг исталган ҳудудида бўлсин, янги ҳиссиётлар ва таассуротлар қолдиради.

Таянч иборалар
- Гастрономия
- Кулинария
- Гастрономик туризм
- Гастротурист
- Палов
- Шашлик
- Гастро Базар-2019

Download 0,73 Mb.

Do'stlaringiz bilan baham: