13-mavzu. Axborot tizimlarini yaratish va boshqarish reja

13.3- RASM. INTERNET TEXNOLOGIYALARDAN FOYDALANIB KITOB XARID QILISH


Internet texnologiyasidan foydalanish orqali kitob xarid qilish jarayonini qayta loyihalab, mijoz va sotuvchi uchun vaqt va mablag‘larni tejash imkoniyatini yaratish mumkin.
Biznes-jarayonlarni boshqarish vositalari

Dasturiy ta’minot ishlab chiqish bilan shug‘ullanuvchi 100 dan ortiq kompaniyalar, shu jumladan IBM, Oracle va TIBCO kabi yirik tashkilotlar biznes-jarayonni boshqarish (BJB)ning turli yo‘nalishlari uchun vositalarni taqdim etadilar. BJB uchun dasturiy ta’minot, shuningdek, jarayon yaxshilangani hamda biznesning samaradorligi ortganini tekshirish uchun maxsus tahliliy dasturlarni ham taqdim etadi.

BJB ning ayrim vositalari biznesni nazorat qilish uchun mo‘ljallangan bo‘lib, tashkilot ishidagi nuqson va kamchiliklarni aniqlashga yordam beradilar. Vositalarning boshqa toifasi esa biznes-jarayonning ayrim qismlari avtomatlashtirilishini ta’minlab beradilar.

Masalan, hayotni sug‘urtalash, tibbiy sug‘urta, mulkni baxtsiz hodisalardan sug‘urtalash va investitsiya xizmatlarini ko‘rsatish bilan shug‘ullanuvchi AQSH Milliy sug‘urta kompaniyasi (ANKO) mijoz uchun servis jarayonlarni optimallashtirish uchun Pega BPM dasturiy ta’minotidan foydalanadi.

Vositalarning uchinchi toifasi kompaniyalarning axborot tizimlaridagi yaxshilanish jarayoniga o‘zlarining qo‘llab-quvvatlash tizimlarini integratsiya qilishga ko‘maklashadi. Ular biznes orqali jarayonlarni avtomatik tarzda boshqarib boradilar, kerakli ma’lumotlarni turli manbalar va bazalardan saralab oladilar.