13-mavzu. Axborot tizimlarini yaratish va boshqarish reja

TIZIMNI LOYIHALASH

Tizimni tahlil qilish jarayonida tashkilotning axborotga bo‘lgan ehtiyojlariga tizim mos kelishi yoki nomuvofiq ekanligi aniqlanadi, tizimni loyihalash esa, tizim bu masalalarni qay tarzda echishini belgilab beradi. Loyiha esa, o‘z navbatida, qurishning umumiy rejasidan yoki tizim modelidan iborat bo‘ladi. Xuddi binoning chizmasida bo‘lgani kabi, tizim loyihasi tarkibida tizim parametrlari va uning tuzilmasi bilan bog‘liq barcha spetsifikatsiyalar keltiriladi.

Tizim loyihachisi tizim bajarishi lozim bo‘lgan va tizimning tahlili jarayonida belgilangan barcha funksiyalar spetsifikatsiyasini ishlab chiqadi. Ushbu hujjatlarda tizimli echimning barcha boshqaruv, tashkiliy va texnologik komponentlari ta’riflanishi lozim. 13.3-jadvalda yangi tizimni loyihalash jarayonida tayyorlanishi zarur bo‘lgan barcha turdagi spetsifikatsiyalar keltirilgan. Qurilayotgan bino kabi, axborot tizimlari turlicha dizaynga ega bo‘lishlari mumkin. Ularning har biri texnik va tashkiliy komponentlarning noyob to‘plamidan iborat bo‘ladi. Axborot tizimining yaxshi dizayni o‘zining oddiyligi, yuqori samaradorligi va funksionalligi bilan ajralib turib, barcha talablar va cheklovlarga javob berishi lozim.