13-mavzu. Axborot tizimlarini yaratish va boshqarish reja

Tizimdan foydalanish va unga texnik xizmat ko‘rsatish

YAngi tizim o‘rnatilib, konversiya amalga oshirilganidan keyin undan foydalanish boshlanadi. Bu bosqichda foydalanuvchilar va texnik xodimlar tomonidan tizimning ishlashi tekshiriladi va u tashkilot maqsadlariga muvofiq ekani hamda tizimga biron-bir o‘zgarishlar kiritilishi zarur yoki zarur emasligi aniqlanadi. Xatolarni tuzatish yoki tizim ishlashi samaradorligini oshirish maqsadida uskunalarga, dasturiy ta’minotga, hujjatlarga yoki tartibotlarga o‘zgartirishlarni kiritish texnik xizmat ko‘rsatish deb nomlanadi.

Tizimga muntazam xizmat ko‘rsatish ishlarning har bir turiga qancha vaqt sarflanishini baholanib borishini talab etadi. Vaqtning taxminan 20% dastur kodini sozlashga yoki ekspluatatsion muammolarni hal qilishga sarflanadi; yana 20% ma’lumotlar, fayllar, hisobotlar, uskunalar va tizimli dasturlarga o‘zgartishlar kiritishga ketadi. Qolgan vaqt foydalanuvchi interfeysini takomillashtirishga, tegishli hujjatlarni yaxshilashga va tizimning ayrim komponentlarini modernizatsiyalash yoki bekor qilish (olib tashlash)ga sarflanadi. Natijada tizimning ishlash samaradorligi oshiriladi. Xizmat ko‘rsatish ishlarining hajmi puxta tarzda bajarilgan tizimli tahlil va loyihalashning zamonaviy texnologiyalaridan foydalanish evaziga sezilarli darajada kamaytirilishi mumkin.
13.2-jadvalda tizimni ishlab chiqishdagi barcha asosiy bosqichlar ko‘rsatilgan