13-mavzu. Axborot tizimlarini yaratish va boshqarish reja

Prototip yaratish: jarayonning bosqichlari

13.10-rasmda prototip yaratish jarayoni ko‘rsatilgan. Bu jarayon quyidagi to‘rtta bosqich (qadam)dan iborat:

1-qadam. Foydalanuvchilarning asosiy talablarini aniqlash. Tizim loyihachisi (odatda, bu vazifani axborot tizimlari bo‘yicha mutaxassis bajaradi) barcha talablarni aniqlamaguncha foydalanuvchi bilan birgalikda ishlaydi.

2-qadam. Boshlang‘ich (dastlabki) prototipni ishlab chiqish. Loyiha ishlab chiquvchi yangi avlod dasturiy ta’minot, multimedia dasturlari yoki avtomatlashtirilgan loyihalash tizimlaridan foydalangan holda ishchi modelni yaratadi.

3-qadam. Prototip bilan ishlash. Foydalanuvchi tizim ishlashini baholaydi va uni yaxshilash bo‘yicha tavsiyalar beradi.

4-qadam. Prototipni tuzatish va takomillashtirish. Loyihachi foydalanuvchining barcha istak-xohishlarini amaliyotga tatbiq etadi. O‘zgartishlar va xatolarni tuzatishdan keyin jarayon 3-qadamga qaytadi. 3- va 4-qadamlar foydalanuvchi to‘liq qoniqish hosil qilmaguniga qadar takrorlanaveradi.